Республикӑна шартлама сивӗ ҫанталӑк килет. Ыран ҫӗрле 12 градус таран сивӗтӗ.

Сивӗтет кӑна мар, ҫил те вӑйланать. Юнкун ҫил кӑштах лӑпланӗ. Анчах ҫӗрлесерен сывлӑш самаях сивӗнӗ. Кӗҫнерникун ҫӗрле 20 градус таранах сивӗтме пултарӗ. Хӑш-пӗр вырӑнта – тата сивӗрех.

Канмалли кунсенче уяр та сивӗ ҫанталӑк тӑрӗ. Кунашкал ҫанталӑк раштавӑн 10-мӗшӗчченех тӑма пултарӗ. Гидрометцентр пӗлтернӗ тӑрӑх, ҫитес 10 кунра нормӑран 4 градус сивӗрех пулӗ.

Юлашки кунсенче ҫанталӑк нормӑран сивӗрех тӑчӗ. Ӗнерпе паян вара ҫил те вӑйланчӗ. Мӗнлерех ҫанталӑк кӗтет пире?

Синоптикесм пӗлтернӗ тӑрӑх, паян ҫӗрле те ҫил вӑйлӑ пулӗ. Канмалли кунсенче ҫил кӑштах лӑпланӗ, ҫапах 10-15 градус сивӗ пек туйӑнӗ. Шӑматкун хӗвеллӗ ҫанталӑк тӑрӗ. Вырсарникун юр ҫума пуҫлӗ, вӑл ҫитес эрне тӑршшӗпех чарӑнмӗ. Тунтикунпа ытларикун ҫил-тӑман тухӗ. Юнкун тинех ҫил пачах лӑпланӗ.

Ҫитес кунсенче юр хулӑнӑшӗ 10 сантиметр таранах ҫитӗ.

Республикӑра чӑн-чӑн хӗллехи сивӗ хуҫаланать. Иртнӗ канмалли кунсенче ҫанталӑк ҫӗрле 16 градус таран сивӗтнӗ. Патӑрьелте тата сивӗрех пулнӑ. Паян ҫӗрле тата сивӗрех пулӗ: термометр 18 градус сивӗ кӑтартӗ.

Юнкун антициклон Казахстан енне кайма тытӑнӗ. Ҫавна май 3-8 градус ҫеҫ сивӗ пулӗ. Ҫил вӑйланӗ. Чӳкӗн 19-мӗшӗнче ӑшӑ фронт иртсе кайӗ, пӗлӗтленӗ, ҫапах юр ҫумӗ. Эрнен иккӗмӗш ҫурринче типӗ те ҫиллӗ ҫанталӑк тӑрӗ. Анчах ҫил вӑйлӑ пулнӑран 13-18 градус сивӗ пек туйӑнӗ.

Ку уйӑхри юлашки эрне ӑшӑ та юрлӑ пулӗ. Юр хулӑнӑшӗ 15 сантиметр таран ӳсме пултарӗ.

Синоптиксем республикӑра ҫанталӑк сивӗтессине пӗлтереҫҫӗ. Уйрӑмах – ҫӗрлесерен.

Паян ҫӗрле сывлӑш температури 16 градус таран сивӗнӗ. Ыран каҫхине вара 17 градус сивӗ пулӗ. Шупашкарта ҫӗрлесерен 6-8 градус пулӗ, кӑнтӑрла – 3-5 градус сивӗ. Ыран республикӑра кӑнтӑрла 3-8 градус сивӗ пулӗ.

Республикӑри ҫулсем вырӑнӑн-вырӑнӑн пӑрлак, ҫавна май Росгидромет вырсарникунччен хӑрушсӑрлӑх шайӗ хӗрлӗ сарӑ пулнине палӑртнӑ.

Шупашкарти Хӗрлӗ тӳремре йывӑҫ-тӗм лартма тытӑннӑ. Республикӑн Ҫутҫанталӑк ресурсӗсен тата экологи министерствинче пӗлтернӗ тӑрӑх, Хӗрлӗ тӳремре ҫӑка, хӑва, шурӑ сирень тата ыттисем ӳсӗҫ. Кӗркунне лартмалли йывӑҫ-тӗмсене халех лартнӑ.

Йывӑҫ лартма Чӑваш Ен Элтеперӗ Олег Николаев та хутшӑннӑ. Вӑл тата хулари тӳре-шара юман лартнӑ.

«Юман – республика элемӗ, ӑна герб ҫине ӳкерсе хунӑ. Раҫҫейри чи паллӑ йывӑҫ пирӗн тӑрӑхра ӳсет. Юманпа тӗрлӗ халап ҫыхӑннӑ. Республикӑн Хӗрлӗ тӳремӗнче ӑна лартни ытахальтен мар», – тенӗ Олег Николаев.

Ыран, чӳк уйӑхӗн 8-мӗшӗнче, Чӑваш Енре ҫил вӑйланасси пирки пӗлтереҫҫӗ. Вӑл ҫеккунтра 17-19 метр хӑвӑртлӑхпа вӗрӗ.

Ҫӗрле ҫумӑр ҫумӗ, ыран кӑштах вӗтӗртетӗ. Атмосфера пусӑмӗ пӗчӗкленӗ: 736 миллиметр пулӗ. Термометр ыран 5-7 градус ӑшӑ кӑтартӗ.

Ҫил вӑйлӑ вӗрнӗрен, тӗтре карса илме пултарнӑран Гидрометцентр хӑрушлӑхӑн сарӑ шайне палӑртнӑ.

Паян ҫӗрле 0-5 градус ӑшӑ пулӗ. Сывлӑшри нӳрӗклӗх 88 процентпа танлашӗ.

Чӑваш Ен ШӖМ архивӗнчи сӑнӳкерчӗксенчен хатӗрленӗ коллаж

Йӗпреҫ районӗнчи пӗр ялта пурӑнакан арҫыннӑн пӑши ашӗ ҫав териех ҫиес килнӗ-ши? Халӗ унӑн пуҫиле майпа явап тытма тивӗ.

Йӗпреҫ районӗнчи вӑрманта ӗнер, юпа уйӑхӗн 30-мӗшӗнче, пӑши тирне асӑрханӑ. Ҫавӑн пирки йӗрке хуралҫисене систернӗ.

Пӑшие уйӑх каялла персе ӳкернӗ ҫынна вӑрах шырама тивмен. Вӑл 52 ҫулти арҫын пулнӑ. Сунара ҫӳреме юратаканскерӗн килӗнче 25 килограмм пӑши ашӗ, 4 пӑшал, вӗсенчен пӗрне хуҫи саккуна пӑсса упранӑ, патронсем, ҫӗҫӗсем, сунар билечӗ тупса палӑртнӑ. Вӗсене пурне те туртса илнӗ.

Саккуна пӑсакан сунарҫӑ тӗлӗшпе РФ Пуҫиле кодексӗн 258-мӗш статйин 1-мӗш пайӗпе килӗшӳллӗн пуҫиле ӗҫ пуҫарнӑ. Ку статья 500 пин тенкӗ таран штрафлама е 2 ҫул таран ирӗкрен хӑтарма ирӗк парать.

Кӗркунне пире каллех савӑнтарӗ. Ытларикун, ыран, пӗлтӗтлӗ ҫанталӑк пулӗ, ҫумӑр ҫумӗ. Каҫхине 5 градус таран сивӗтӗ, кӑнтӑрла 1-6 градус ӑшӑ тӑрӗ.

Эрне варринче антициклон Казахстан еннелле кайӗ, пирӗн пата ӑшӑ килӗ. Урамра татах темиҫе градус ӑшӑтӗ. Кӗҫнерникун хӗвел пӑхас шанчӑк пур.

Канмалли кунсенче вара каллех ҫумӑр ҫӑвӗ. Анчах кулянмаллиех ҫук. Ҫанталӑк сивӗ тӑмӗ, термометр 4-9 градус ӑшӑ кӑтартӗ. Ку ҫанталӑкӑн ку тапхӑрӗ валли питӗ ӑшӑ шутланать.

Ҫутҫанталӑк министерстви тунӑ сӑн

Чӑваш Енре миҫе хӑмӑр упа пурӑнать? Нумаях пулмасть вӗсене шутланӑ. Хальхи вӑхӑтра республикӑра 37 упана шута илнӗ.

Тӳрех палӑртмалла: упасене Чӑваш Енри Хӗрлӗ кӗнекене кӗртнӗ, вӗсене тытма юрамасть. Упасене ҫурлан 16-мӗшӗнчен пуҫласа юпан 1-мӗшӗччен шутланӑ. Чӗрчунсене сыхлакан дирекци инспекторӗсем утаманӑн малти урин ҫӗр ҫинчи йӗрӗсене сӑнанӑ, вӗсене танлаштарнӑ. Ҫапла майпа 37 упана шута илнӗ.

Улатӑр районӗнче – 16, Шупашкар районӗнче – 9, Шӑмӑршӑ районӗнче 6 упа пурӑнать. Пӗлтӗрхипе танлаштарсан, кӑҫал утамансен йышӗ ӳснӗ. 2019 ҫулта 20 упа кӑна пулнӑ.

goodfon.ru сайтри сӑн

Юлашки кунсенче урамра чӑннипех те кӗрхи ҫанталӑк хуҫаланать. Ӗнер ҫил вӑйланчӗ, сывлӑш температури 2 градус ҫеҫ ӑша пулчӗ. Эппин, кӗҫех юр та ҫума тытӑнӗ. Кун пирки синоптиксем те систереҫҫӗ.

Ахӗртнех, пӗрремӗш юр юнкун ӳкӗ, ҫӗрле 5 градус таран сивӗтӗ. Эрнекун тата шӑматкун ҫумӑр нумай ҫӑвассине систереҫҫӗ. Сывлӑш температури 7-12 градус ӑшӑ пулӗ. Анчах ӑшӑ нумайлӑха килмӗ, кӗҫех юр ӳкме тытӑнӗ.

Юпа уйӑхӗн вӗҫӗнче тата чӳк пуҫламӑшӗнче типӗ ҫанталӑк тӑрӗ. Анчах ӑшӑ килессе кӗтмелли ҫук, ҫӗрлесерен те шӑнтӗ.