|
Вӗренӳ
 etker.rchuv.ru сайтри сӑн Чӑваш Енри шкул ачисем «Пысӑк тӑхтав» Пӗтӗм Раҫҫейри конкурса хутшӑннӑ. Финала пирӗн регионтан 17 ача кайнӑ. Конкурсра пӗтӗмпе 11-мӗш класра вӗренекен 300 ҫамрӑк ҫӗнтернӗ. Вӗсем 1-ер миллион тенкӗ илӗҫ. Ку укҫапа вӗреннӗшӗн тӳлеме пултараҫҫӗ. Аслӑ шкула кӗнӗ чухне хушма балл илме те май пур. Тепӗр 300 ҫӗнтерӳҫи – 9-10-мӗш класра ӑс пухакансем. Вӗсем 200-шер пин тенке тивӗҫнӗ. Ку укҫана вӗреннӗ ҫӗре яма юрать, ҫавӑн пекех хӑйсене аталантарма май пур. Пирӗн ентшсенчен ҫаксем ҫӗнтернӗ: Шупашкарти 65-мӗш шкулти Кристина Степанова, Вӑрмар районӗнчи Кӗлкеш шкулӗнчи Галина Сидорова, Шупашкарти 2-мӗш лицейри Кристина Тапинова, Шупашкарти 5-мӗш гимназири Екатерина Аврамова. Хыпар ҫӑлкуҫӗ:
|
|
Республикӑра
 ixbt.com сайтри сӑн Ҫӗмӗрлере медицина тытӑмӗнче ӗҫлекен арҫын ултавҫӑсен аллине ҫакланнӑ. Ку кӑна мар-ха. Вӗсене укҫа куҫарса парсан лешсем унран кулса смс-ҫыру янӑ. Арҫын ултавҫӑсене самаях пысӑк укҫа куҫарса панӑ: 3 миллион тенкӗ. Укҫи хӑйӗн те пулман, ӑна кредит илнӗ. ШӖМ пӗлтернӗ тӑрӑх, 26 ҫулти ҫак арҫын полицие ӗнер пынӑ. Вӑл палламан ҫынпа телефонпа юпан 27-мӗшӗнченпе калаҫнӑ. Хайхискер Ҫӗмӗрле арҫыннине ун ячӗпе такам кредит илнине ӗнентернӗ. Ӑна пӑрахӑҫлас тесе хайхискере кредит илме ӳкӗте кӗртнӗ. Юлашкинчен ун патне кулса-тӑрӑхласа ҫырнӑ смс-ҫыру килнӗ. Кун хыҫҫӑн тин вӑл ултавҫӑсен серепине лекнине ӑнланнӑ. Хыпар ҫӑлкуҫӗ:
|
|
Сывлӑх
 cap.ru сайтри сӑн Юпа уйӑхӗн пуҫламӑшӗнче Президент пепкелӗх центрӗнче 3420 грамм таякан, 55 сантиметр тӑршшӗ хӗрача ҫуралнӑ. Пиллӗкмӗш кунхине тӑрук унӑн сывлӑхӗ япӑхланма пуҫланӑ. Унӑн чӗре чирӗ пулнӑ иккен. Чӑваш Енри тухтӑрсем ҫӗршыври пысӑк квалификациллӗ тухтӑрсемпе канашланӑ. Икӗ эрне сиплесен пӗчӗк ачана ИВЛ аппаратпа сывлаттарма пӑрахнӑ, тин ҫуралнӑ ачасен патологи уйрӑмне куҫарнӑ. Хӗрача кӑкӑр сӗчӗпе часах ӳт хушма пуҫланӑ. 3900 грамм тайма пуҫласан, сывлӑхӗ лайӑхлансан амӑшӗпе ачине киле янӑ. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Паян, чӳк уйӑхӗн 2-мӗшӗнче, Чӑваш патшалӑх филармонийӗнче Чӑваш патшалӑх юрӑпа ташӑ ансамблӗн 99-мӗш пултарулӑх сезонне уҫӗҫ. Концерт программинче Герман Лебедевӑн, Григорий Хирпӳн, Филипп Лукинӑн, Юрий Жуковӑн, Юрий Кудаковӑн тата музыка искусствин ытти талантлӑ ӑстисен произведенийӗсем пулӗҫ. Куракансене ансамблӗн ылтӑн фондӗнчи вокалпа хореографи композицийӗсем те савӑнтарӗҫ. Хыпар ҫӑлкуҫӗ:
|
|
Ҫутҫанталӑк
 Чӳк уйӑхӗннче мӗнле ҫанталӑк пулӗ? Юпа уйӑхӗ, синоптиксем пӗлтернӗ тӑрӑх, нормӑран ӑшӑрах пулнӑ. Чӳк уйӑхӗн пӗрремӗш декадинче пирӗн пата антициклон килӗ: юр та, ҫумӑр та ҫумӗ, типӗ ҫанталӑк тӑрӗ. Хӑш чухне хӗвел те пахӗ. Иккӗмӗш декадӑра ӑмӑрланӗ, ытларах ҫумӑр ҫӑвӗ. Ҫиллӗ пулӗ, ҫапах ҫанталӑк ӑшӑ тӑрӗ. Унччен синоптиксем пӗрремӗш юр ирӗлмессине пӗлтернеччӗ. Халӗ вара вӑл ирӗлсе пӗтессине калаҫҫӗ. Виҫҫӗмӗш декадӑра юр нумай ҫӑвӗ. Ҫӗр шуралӗ, 10-15 сантиметр ҫӳллӗш юр ӳкӗ. Уйӑх вӗҫне 20 градус таран сивӗтме пултарӗ. Хыпар ҫӑлкуҫӗ:
|
|
Раҫҫейре
 «Сибирьмедиа» телеграм-канал пӗлтернӗ тӑрӑх, Якутири темиҫе ялта «Госуслуги» сайт урлӑ йӗркеленӗ хӑш яла чи малтан интернет кӗртессине палӑртакан сасӑлава хутшӑнаймаҫҫӗ. Онлайн-сасӑлава хутшӑнмашкӑн интернечӗ кирлӗ имӗш, анчах вӑл вӗсен ҫук, пур пулсан та ҫыхӑну хӑвӑртлӑхӗ питӗ пӗчӗк, сасӑлама вӑл ҫителӗксӗр. Вырӑнти парламент сессийӗнче ҫак ҫитменлӗх пирки Елена Голомарева депутат каласа панӑ. «Инҫетри ялсенче пурӑнакансем ҫырнӑ тӑрӑх ку мӑшкӑлланни евӗрех. Ыйтаҫҫӗ: тӗнче тетелӗпе ҫыхӑну ҫук пулсан интернет кӗртессишӗн мӗнле сасӑламалла? Сасӑлас тесен интернечӗ кирлӗ», — пӗлтернӗ вӑл. Сасӑламалли тепӗр меслет те пур-ха ӗнтӗ: сасса Мускава почтӑпа ярса пама пулать. Анчах Якутире почта уйрӑмӗсӗр ялсем те ҫук мар. Сӑмахран, Анат Янӑра (Нижнеянскра) унашкалли ҫук. Хыпар ҫӑлкуҫӗ:
|
|
Сывлӑх
 moydiagnos.ru сайтри сӑн Роспортебнадзор палӑртнӑ тӑрӑх, кӑҫал сифилиспа чирлесси 2,1 хут чакнӑ, гонорейӑпа вара - 2 хут. Статистикӑна 9 уйӑха кӗртнӗ. Чесоткӑпа чирлекенсем те сахалланнӑ - кӑтарту 27,8 процент пӗчӗкрех. Уҫӑ туберкалезпа аптӑракансен йышӗ 6,1 процент чакнӑ. ВИЧ-инфекциленнисен хисепӗ вара пысӑкланнӑ - 2,7 процент ытларах. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Шупашкарти "Садовый" микрорайонти шкула ку ҫулталӑк вӗҫӗччен туса пӗтерме шантарнӑччӗ. Ӗҫсем мӗнле пыраҫҫӗ-ха унта? Шупашкар хула администрацийӗн пуҫлӑхӗ Денис Спирин телеграм-каналӗнче пӗлтернӗ хыпара вуласан ӗҫсем вӑйлах пыманнине ӑнланма пулать. Вӑл стройка вырӑнне кайса курнӑ. Сити-менеджер нумай асӑрхаттару тунӑ, ӗҫлекенсен йышне ӳстермелине каланӑ. "Унсӑрӑн штраф санкцийӗсемпе усӑ курма тивӗ", - ҫапла ҫырнӑ Денис Спирин телеграм-каналӗнче. Хыпар ҫӑлкуҫӗ:
|
|
Вӗренӳ
 cap.ru сӑнӳкерчӗкӗ Шупашкар хулинчи педагогсене тата шкул ҫулне ҫитменнисен учрежденийӗсенче ӗҫлекенсене «Выдающиеся земляки: они прославили Чувашский край» (чӑв. Паллӑ ентешсем: вӗсем Чӑваш Ене мухтава кӑларнӑ) проектсен конкурсне хутшӑнма сӗнеҫҫӗ. Кун пирки хулари Вӗрентӳ управленийӗ пӗлтернӗ. Паллӑ ентешсен ҫулталӑкне халалланӑ конкурс юпа уйӑхӗн 31-мӗшӗнче пуҫланнӑ, раштав уйӑхӗн 9-мӗшӗнче вӗҫленӗ. Ӑна виҫӗ тапхӑрпа ирттерӗҫ. Хыпар ҫӑлкуҫӗ:
|
|
Персона
 studfile.net сӑнӳкерчӗкӗ Ӗнер, юпа уйӑхӗн 31-мӗшӗнче, паллӑ этнопедагог, академик, педагогика наукисен докторӗ, профессор Геннадий Волков (1927 - 2010) ҫуралнӑранпа 95 ҫул ҫитрӗ. Геннадий Никандрович ӗҫӗсем калама ҫук витӗмлӗ. Ун пирки учительсен учителӗ тесе те, хамӑр ҫӗршыври этнопедагогикӑн патриархӗ тесе те калаҫҫӗ. Геннадий Волков — Елчӗк чӑвашӗ, унти Аслӑ Елчӗкре ҫуралнӑ. Чӑваш патшалӑх пединститутӗнчи (халӗ — университет) физикӑпа математика факультетӗнче вӗреннӗ, пӗлӗвне унтан Хусанти аспирантурӑра туптанӑ. Хыпар ҫӑлкуҫӗ:
|
+20.3 °C