|
Культура
 www.cap.ru сӑнӳкерчӗкӗ Ӗнер, утӑ уйӑхӗн 6-мӗшӗнче, Мускаври ВДНХра чӑваш Акатуйӗ иртнӗ. Уява халӑх ансамблӗсем, эстрада юрӑҫисем, профессилле артистсем хутшӑннӑ. Вӗсен йышӗнче Чӑваш патшалӑх юрӑпа ташӑ ансамблӗ, «Ярды» вокал ушкӑнӗ тата Августина Уляндина, «Бельканто» классик-ушкӑн, «Ҫеҫпӗл» чӑваш вокал ансамблӗ, «Ҫавал» фольклорпа эстрада ансамблӗ. Уява пынисем валли крафт вӑййисем йӗркеленӗ, Чӑвашра туса илекен сувенир тата ытти продукцин курав-ярмаркки ӗҫленӗ. Ӑл ӑстисем хушпу, пукане, сыхлӑх хатӗрӗсем, шӑрҫаран тата хӑваран авса япаласем тума вӗрентнӗ. Раҫҫей кухнин ҫуртӗнче хуплу, шӳрпе, пашалу пӗҫерме вӑрентекен ӑсталӑх лаҫҫисем ӗҫленӗ. Хыпар ҫӑлкуҫӗ:
|
|
Ӳнер
 www.cap.ru сӑнӳкерчӗкӗ Утӑ уйӑхӗн 9-мӗшӗнче Шупашкарта Вячеслав Миловӑн «По лабиринту моего пути» кураве уҫӑлӗ. Мероприяти Чӑваш Енӗн Наци вулавӑшӗнчи «Кӗмӗл ӗмӗр» галерейӑра 16 сехетре пуҫланӗ. Курава художник ҫуралнӑранпа 70 ҫул ҫитнине халаллӗҫ. Экспозици 80 ытла живопись ӗҫӗнчен тӑрӗ. Вӗсене автор реализм тата абстракт стильсемпе ӳкернӗ. Картинӑсем урлӑ художник чунне уҫса парать, тӗнче нумай енлине кӑтартса парать. Вячеслав Милов 1955 ҫулти ута уйӑхӗн 18-мӗшӗнче Чулхула облаҫӗнчи арзамас хулинче ҫуралнӑ. Чӑваш пединститутӗнчи художествапа графика факультетӗнчен вересне тухнӑ хыҫҫӑн Шупашкарта художник-оформитель, изобразительнӑй ӳнер учителӗ пулса ӗҫленӗ. Хыпар ҫӑлкуҫӗ:
|
|
Чӑвашлӑх
 Тутарстанри Сиктӗрме ялӗнче иртнӗ «Уява» 20 пин ытла ҫын хутшӑннӑ. Аса илтерер: ҫак мероприяти Иван Казанков тӑрӑшнипе тата пулӑшнипе иртет. Вӑл «Звениговский» аш-какай комбиначӗн директорӗ. Петӗр Хусанкай ҫуралса ӳснӗ яла Раҫҫейри тӗрлӗ регионтан делегацисем, пултарулӑх коллективӗсем килнӗ. Уявра фестиваль-конкурс, спорт ӑмӑртӑвӗсем, ӑсталӑх класӗсем иртнӗ. Кӑҫал «Раҫҫей чӑваш пики» конкурс та йӗркеленӗ. Ҫӗнтерӳҫӗ ятне Елчӗк округӗнчи Виктория Романова тивӗҫнӗ. Хыпар ҫӑлкуҫӗ:
|
|
Персона
 Олег Чудаков архивӗнчи сӑн Вӑл 20 кунра велосипедпа 1800 ҫухрӑм кайса тинӗс патне ҫитнӗ. Сӑмах — Хӗрлӗ Чутай округӗнче ҫуралса ӳснӗ Олег Чудаков пирки. Вӑл ҫӗртме уйахӗн 15-мӗшӗнче велосипедпа ҫула тухнӑ та нумаях пулмасть Джугбӑна ҫитнӗ. «Ку финиш мар-ха. Кӑштах канӑп та малалла кайӑп», — тесе ҫырнӑ Олег хӑйӗн страницинче. Вӑл хӑйӗн ҫулҫӳревӗ пирки «Контактри» страницинче пӗлтерсе тӑнӑ. Хӑй пӗлтернӗ тӑрӑх, каялла вӑл пуйӑспа килесшӗн. Хыпар ҫӑлкуҫӗ:
|
|
Республикӑра
 37.мвд.рф сайтри сӑн Чӑваш Енре «Автоледи» республика конкурсӗ иртӗ. Ӑна «Ҫул-йӗр ҫинчи хӑрушсӑрлӑх» проектпа килӗшӳллӗн йӗркелеҫҫӗ. Конкурса 18 ҫул тултарнӑ, водитель правине илнӗ хӗрсемпе хӗрарӑмсем хутшӑнма пултараҫҫӗ. Вӑл икӗ пайпа иртӗ: теори тата практика. Ҫавӑн пекех пултарулӑх заданийӗсем пулӗҫ. Заявкӑсене ҫак электрон адреспа йышӑнаҫҫӗ: familycheb@mail.ru. Хыпар ҫӑлкуҫӗ:
|
|
Политика
 cap.ru сайтри сӑн ЧР Элтеперӗ Олег Николаев саппасри подполковникӑн, ятарлӑ ҫар операцийӗн ветеранӗн Руслан Валиуллинӑн наставникӗ пулӗ. Ку – «Время СВОих» регионти проектпа килӗшӳллӗн. Ҫавӑн пекех Элтепер ӑна хӑйӗн пулӑшуҫи пулма сӗннӗ. Валиуллин ятарлӑ ҫар операцийӗпе ҫыхӑннӑ общество организацийӗсемпе тата ҫар ӗҫӗн ветеранӗсемпе ҫыхӑну тытӗ. Палӑртмалла: Руслан Валиуллин 1986 ҫулта Патӑрьел районӗнчи Тутар Тимеш ялӗнче ҫуралнӑ. 2020 ҫулхи чӳкре ӑна сывлӑхне кура саппаса янӑ. 2022 ҫулта вӑл тулли мар мобилизаципе ятарлӑ ҫар операцине кайнӑ. 2023 ҫулта йывӑр аманнӑ, вӑл службӑна юрӑхсӑр тесе йышӑннӑ. Хыпар ҫӑлкуҫӗ:
|
|
Чӑвашлӑх
 Антонина Андреева Тутарстанри Сиктӗрмере паян Уяв иртнӗ. Ҫавна май унта Чӑваш сӑри фестивалӗ те иртнӗ. Унта пулса курнӑ Антонина Андреева пӗлтернӗ тӑрӑх, «Чӑваш сӑри» фестиваль лапамне хаклӑ хӑнасем пырса курнӑ. «Ачак сӑрине вӗретекен «Вирьял» халӑх фольклор ушкӑнӗ (ертӳҫи - Лев Иванов) авал чӑвашсем мӗнле сӑра туни, мӗнле савӑт-сапапа усӑ курни ҫинчен тӗпӗ-йӗрӗпех кӑтартса пурне те тӗлӗнтернӗ. Хӑшӗсем кун пек савӑтсен ячӗсене те ас тумасть». Хыпар ҫӑлкуҫӗ:
|
|
Пӑтӑрмахсем
 «Контактри» сӑн Паян ирхине Шупашкара каллех Украинӑн икӗ беспилотникӗ тапӑннӑ. Пӗри «ВНИИР»-ӑн пушӑ ларакан ҫурчӗ тӑррине ӳкнӗ (вӑл ҫӗртме уйӑхӗнче БПЛА ӳкнӗ хыҫҫӑн ӗҫлеме чарӑннӑ), тепри Лапсар тӑкӑрлӑкӗнчи хута каякан склада сиенлетнӗ. ЧР Элтеперӗ Олег Николаев телеграм-каналӗнче пӗлтернӗ тӑрӑх, шар курнӑ ҫынсем пулман, службӑсем ӗҫлеҫҫӗ. Хальлӗхе Чӑваш Енре мобильлӗ интернет ҫук. Ку ҫавӑнпа ҫыхӑннӑ. Хыпар ҫӑлкуҫӗ:
|
|
Персона
 "Контактри" сӑн Шупашкарта пурӑнакан Нонна Ржавина 100 ҫулхи юбилейне паллӑ тунӑ. Тӑван ҫӗршывӑн Аслӑ вӑрҫи пуҫланнӑ чухне Нонна Николаевна Одессӑра ача ҫуртӗнче пурӑннӑ. Ӑна ытти ачапа пӗрле Кабарда-Балкара эвакуациленӗ. Унта хӗрача трактористкӑра ӗҫленӗ. 1942 ҫулта ӑна каллех эвакуциленӗ, хальхинче Кӑркӑсстана илсе кайнӑ. Унта Нонна шкултан вӗренсе тухнӑ та 1943 ҫулта Мускава пурӑнма куҫса кайнӑ, культура институтне вӗренме кӗнӗ. Диплом илсен хӗре направленипе Шупашкара библиотекӑна ӗҫлеме янӑ. Нонна Николаевна мӑшӑрӗпе 2 ача ӳстернӗ, халӗ 4 мӑнукпа, 4 кӗҫӗн мӑнукпа савӑнса пурӑнать. Хыпар ҫӑлкуҫӗ:
|
|
Политика
 pravdapfo.ru сӑнӳкерчӗкӗ Чӑваш Енӗн вице-премьерне Дмитрий Краснова чикӗ леш енне кайма чармӗҫ. Унччен унӑн ҫавӑн пек чару пулнӑ-мӗн. Халӗ вӑл ҫав йышӑнӑва суд урлӑ пӑрахӑҫлаттарнӑ. Дмитрий Краснова чике леш енне кайма чарни «Вкладсене страхлакан агентство» патшалӑх корпорацийӗ ыйтнипе ҫыхӑннӑ. Ӑна тата тепӗр сакӑр ҫынна «Розничное и корпоративное страхование» компани ӗҫӗпе ҫыхӑнтарнӑ. Мускаври ҫав предприятире Дмитрий Краснов 2016-2020 ҫулсенче гендиректор пулса ӗҫленӗ, 2021 ҫулта предприяти панкурта тухнӑ. 2025 ҫулхи ҫу уйӑхӗнче Мускаври Арбитраж сучӗ бенефициарсене тата топ-менеджер пулнӑ ҫынсене чикӗ леш енне кайма чарнӑ. Дмитрий Краснов кунпа килӗшмесӗр суда панӑ, суд ӑна майлӑ пулнӑ, мӗншӗн тесен паянхи кун тӗлне илсен Красновран тӑкаксене шыраса илесси ҫинчен калакан хут ҫук. Хыпар ҫӑлкуҫӗ:
|
+4.3 °C