Паян, кӑрлач уйӑхӗн 11-мӗшӗнче, Шупашкарта пурӑнакан Алла Поздеева 95 ҫул тултарнӑ. Ӑна хулари халӑхӑн социаллӑ ыйтӑвӗсене тивӗҫтерекен комплекслӑ центрӗн социаллӑ ӗҫченӗ Кристина Вахтеркина пӑхса пулӑшать.

Алла Григорьевна Курск хулинче ҫуралнӑ. 1965 ҫулта Шупашкара пурӑнма куҫса килнӗ. Качча кайса икӗ ывӑлпа пӗр хӗр ҫуратнӑ. Халӗ кинемейӗн тӑхӑр мӑнук тата мӑнукӗн виҫӗ ачи пур.

chuvashia.sledcom.ru сӑнӳкерчӗкӗ

Ҫӗрпӳ районӗнчи шкулсенчен пӗринче бухгалтера лаборант укҫине тӳлесе пурӑннӑ. Ӗҫлемесӗр укҫа илсе пурӑнаканни — Ҫӗрпӳ тӑрӑхӗнчи бухгалтер учёчӗн ертсе пыракан бухгалтерӗ. Ӑна шкулта ӗҫленӗҫи тума пулӑшаканни — пӗлӗшӗ, шкулта директорта тӑрӑшакан ҫын. Укҫана куҫарса параканни вара хайхи бухгалтер хӑй пулнӑ.

2018 ҫулхи авӑн уйӑхӗнчен пуҫласа 2024 ҫулхи юпа уйӑхӗччен пурӗ 1 миллион та 611 пин тенкӗ укҫа тӳленӗ.

Пӑтӑрмаха РФ Следстви комитечӗн Чӑваш Енри управленийӗн тата Федерацин хӑрушсӑрлӑх службин ӗҫченӗсем пӗрле тупса палӑртнӑ. Пӑтӑрмах тӗлӗшпе пуҫиле ӗс пуҫарнӑ.

Земство учителӗ пулса яла каяс тесенсенчен заявкӑсем йышӑнма пуҫланӑ.

Программӑна хутшӑнас кӑмӑллӑ кандидатӑн 55 ҫултан аслӑ пулмалла мар. Унӑн яла е рабочи посёлока, е 50 пин ҫынран сахалтарах пурӑнакан хула йышши посёлока ӗҫлеме куҫса каймалла.

Заякӑсене ака уйӑхӗн 15-мӗшӗччен йышӑнӗҫ. Программӑна хутшӑнас ыйтупа Чӑваш Енӗн Вӗренӳ институчӗпе ҫыхӑнса уҫӑмлатма май пур. Телефон номерӗ: 8 (8352) 58-37-89, хушма номере 126 (Людмила Геннадьевна Иванова).

cap.ru сӑнӳкерчӗкӗ

Кӑрлач уйӑхӗн 31-мӗшӗнче ЧР Элтеперӗ Олег Николаев Патшалӑх Канашне Ҫырупа тухӗ. Эфир 12 сехетре пуҫланӗ.

Олег Алексеевич Ҫырупа пиллӗкмӗш хут тухӗ. Элтепер хӑйӗн-телеграм каналӗнче пӗлтернӗ тӑрӑх, вӑл хальхи вӑхӑтра текстпа ӗҫленӗ.

Трансляцие Элтеперӗн телеграм-каналӗнче, Наци телекуравӗн тата радиовӗн эфирӗнче ӗҫленӗ. Эфир вӑхӑтӗнче ҫынсем экран ҫинчи куар-кода сканерласа Ҫыру пирки хӑйсен шухӑшне пӗлтерме пултараҫҫӗ. Вӗсене Олег Николаев тишкерме, хӑйӗн ӗҫӗнче усӑ курма шантарнӑ.

"Контактри" сӑн

Паян – хитре дата: 10.01.2025. Ун пеккине ҫемье ҫавӑракансем килӗштереҫҫӗ.

Паян Шупашкарта 12 мӑшӑр пӗрлешнӗ. Ҫавӑн пекех паян Патӑрьел, Ҫӗмӗрле тӑрӑхӗсенче, Ҫӗнӗ Шупашкарта та пӗрлешекенсем пулнӑ.

Сӑмах май, ҫитес хитре дата Студентсен кунӗнче пулӗ: 25.01.2025.

"Контактри" сӑн

Патӑрьел тӑрӑхӗнчи 57-ри арҫын кӑрлачӑн 9-мӗшӗнче иккӗмӗш ҫуралнӑ кунне паллӑ тӑвать. Васкавлӑ медпулӑшупа пульницӑна кайнӑ чухне унӑн чӗри 4 хутчен чарӑнса ларнӑ. Фельдшерсем кашнинчех ӑна пурнӑҫа тавӑрнӑ.

Медпулӑшу машинин водителӗ Канашри пульницӑна вӗҫтернӗ чухне фельдшерсем пациент пурнӑҫӗшӗн кӗрешнӗ. Вӗсен пысӑк ӑсталӑхне пула арҫын чӗрӗ юлнӑ. Кайран ӑна пульницӑра операци тунӑ. Халӗ вӑл вӑй пухать.

cap.ru сайтри сӑн

ЧР Элтеперӗн Ситуаци центрӗн пуҫлӑхне палӑртнӑ. Ку пукана Сергей Иванов йышӑннӑ.

Сергей Игоревич 2008 ҫулта Шупашкарти электромеханика колледжне пӗтернӗ, унтан И.Н.Ульянов ячӗллӗ ЧПУра вӗреннӗ. Професси карьерине 2001 ҫулта электромонтер пек пуҫланӑ. Кайран информаци технологисен тытӑмӗнче ӗҫленӗ – программист пулнӑ. Харпӑр усламҫӑ пек те ӗҫленӗ вӑл. Хальччен Сергей Иванов Нумай функциллӗ центрта директор ҫумӗ пулнӑ.

www.cap.ru сӑнӳкерчӗкӗ

Кӑрлач уйӑхӗн 4-мӗшӗнче Шупашкарти аэропорта малалла юсама тытӑннӑ. Хальхи вӑхӑтра вӗҫсе килмелли зонӑна юсама тытӑнмалла. Ҫавна май кивӗ стенасене, урайсене сӳтнӗ.

Аса илтерер: иртнӗ уйӑхӑн вӗҫӗнче ҫӗнӗ пассажир терминалне Раҫҫей Президенчӗ онлайн-мелпе хутшӑннипе уҫнӑччӗ. Аэропорт инфраструктури самай улшӑннӑ. Унӑн лаптӑкӗ унчченхи 1500 тӑваткал метртан 5000 тӑваткал метр таран пысӑкланнӑ. Ҫӗнӗ терминал — вӗҫсе каякан пассажирсем валли.

vk.com/club211725618 сӑнӳкерчӗкӗ

Кӑрлач уйӑхӗн 14-мӗшӗнче Чӑваш Енӗн наци вулавӑшӗнче Виталий Станьялӑн пултарулӑх каҫӗ иртӗ. Мероприяти 16 сехетре пуҫланӗ.

Виталий Станьял (01.01.1940) — литературовед, поэт, публицист, общество ӗҫченӗ, краевед, филологи наукисен кандидачӗ (1984), халӑх академикӗ, Чӑваш Республикин аслӑ шкулӗн тава тивӗҫлӗ ӗҫченӗ, СССР журналистсен союзӗн членӗ (1968), Н. Гарин-Михайловский, Ҫеҫпӗл Мишши премийӗҫен лауреачӗ, Шупашкар районӗн хисеплӗ ҫынни.

Виталий Михайлов страницинчен илнӗ сӑнӳкерчӗк

Красноармейски муниципалитет округне (Трак районне) туса хунӑранпа 90 ҫул ҫитнӗ. Кун пирки Виталий Михайлов хӑйӗн страницинче пӗлтернӗ.

«Красноармейскине малтан Трак ятпа пӗлнӗ, ҫавӑнпа халӗ те ку тӑрӑха Трак Енӗ теҫҫӗ. Ҫурҫӗр енче Шупашкар районӗпе, кӑнтӑрта Канашпа Вӑрнар районӗсемпе, хӗвел анӑҫ енче Элӗкпе Муркаш районӗсемпе тата ҫурҫӗр-хӗвелтухӑҫ енче Ҫӗрпӳ районӗпе чикӗленет. Чӑваш Енре вӑл лаптӑкӗпе чи пӗчӗк район шутланать.

Района Чӑваш АССРӗн Ӗҫ Тӑвакан Тӗп Комитечӗн Йышӑнӑвӗпе килӗшӳллӗн 1935 ҫулхи кӑрлачӑн 9-мӗшӗнче туса хунӑ. Ӑна малтан Трак районӗ тенӗ, каярах, 1940 ҫулта, Красноармейски ятпа улӑштарнӑ. Пирӗн район кун-ҫулӗ ҫакӑнтан кӑна пуҫланмасть, паллах, унӑн тымарӗсем темиҫе ӗмӗр каяллах, сӗм авалах никӗсленнӗ.

Красноармейски районӗн хальхи ҫӗрӗ ҫинче пирвайхи ҫынсем темиҫе пин ҫул каяллах пурӑнма пуҫланӑ. Кун ҫинчен район тӑрӑхӗнче ирттернӗ археологи тӗпчевӗсемпе истори палӑкӗсем ҫирӗплетеҫҫӗ: Ҫӗньял Упи таврашӗнче вырнаҫнӑ авалхи ҫынсем пурӑннӑ вырӑнӗ, Красноармейски ҫывӑхӗнчи Мӑн Шетмӗ юхан шыв хӗрринче вырнаҫнӑ улӑп тӑпри, Кӑмакал ялӗ ҫывӑхӗнчи улӑп тӑпри (пӑхӑр ӗмӗрӗ), Тусай ялӗ ҫывӑхӗнчи Хулату ятлӑ хулаш, Мӑн Шетмӗ яле ҫывӑхӗнчи Мӑн сӑрт ятлӑ хулаш, Кӳлхӗрри Карай ялӗ ҫывӑхӗнчи улӑп тӑпри (тимӗр ӗмӗрӗ), Кӗрекаҫ ялӗ ҫывӑхӗнче вырнаҫнӑ авалхи ҫынсем пурӑннӑ вырӑн тата масар, Янмурҫин ялӗ ҫывӑхӗнчи хулаш (вӑтам ӗмӗрсем).

Малалла...