Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Пилӗкне хытӑ ҫых, ӑсна ҫирӗп тыт.
[ваттисен сӑмахӗ]
 

Хыпарсен ҫыххи: Раҫҫейре

Раҫҫейре
cheboksari.bezformata.com сайтран илнӗ сӑн
cheboksari.bezformata.com сайтран илнӗ сӑн

Чӑваш Енре 5-9-мӗш класс ачисем валли ҫӗнӗ туризм программи пурнӑҫланма тытӑнӗ. Пирӗн республика ҫак сӑнава хутшӑнакан 18 регионтан пӗри.

Раҫҫей Правительстви уйӑрнӑ 500 миллион тенке сӑнав проектне хутшӑнакан регионсене пайласа парӗҫ. Чӑваш Ене 15889600 тенкӗ лекӗ.

Программӑна 5-9-мӗш классем ҫеҫ хутшӑнаҫҫӗ. Ачасем 24 сехетрен кая мар тӑсӑлакан ҫулҫӳреве кайӗҫ. Хакӑн 7 пин тенкине патшалӑх тӳлӗ. Ҫулҫӳрев хаклӑрах ларӗ тӗк ыттине ашшӗ-амӑшӗ тӳлӗ.

Проект тӗллевӗ – ачасене пӗчӗк ҫулҫӳрев урлӑ тӑван ен культурипе паллаштарасси. Кӑҫал субсиди пулӑшнипе 100 пин ытла шкул ачи ҫак мелпе усӑ курайӗ.

 

Раҫҫейре
prizyv.ru сайтри сӑн
prizyv.ru сайтри сӑн

Кӑҫал кӑрлач уйӑхӗн 1-мӗшӗнчен пенси ӳсӗмне ҫитме пуҫланӑ хӑш-пӗр ҫынна тивӗҫлӗ канӑва маларах тухма ирӗк панӑ. Кун пирки «РИА «Новости» пӗлтерет.

Ҫак категорие камсем кӗреҫҫӗ-ха? Ҫын штат кӗскетнипе е организаци хупӑннипе ӗҫсӗр юлнӑ пулсан вӑл тивӗҫлӗ канӑва 2 ҫул маларах тухма пултарать. Анчах арҫыннӑн ӗҫ стажӗ – 25 ҫултан кая мар, хӗрарӑмӑн 20 ҫултан кая мар пулмалла.

Сӑмах май, кӑрлачӑн 1-мӗшӗнченпе ӗҫлемен пенсионерсен пенсийӗ индексаципе килӗшӳллӗн 5,9 процент хӑпарнӑ, чи пӗчӗк виҫе 8736 тенкӗпе танлашнӑ.

Хыпар ҫӑлкуҫӗ: https://pg21.ru/news/76585
 

Раҫҫейре
cap.ru сӑнӳкерчӗкӗ
cap.ru сӑнӳкерчӗкӗ

Кӑшӑлвируспа официаллӑ майпа чирленӗ ҫынсене те QR-код пама пуҫлӗҫ. Кун пирки Раҫҫей Правительствин вице-премьерӗ Татьяна Голикова пӗлтернӗ.

Чирлесен пульницӑна кайман, анчах ПЦР-тест кӑшӑлвирус пуррине ҫирӗплетет тӗк пациента антителӑсем пуррипе ҫуккине тӗрӗслеме сӗнӗҫ. Вӗсем пур тӑк ҫынна QR-код парӗҫ. Ку кӑҫалхи кӑрлач уйӑхӗн 1-мӗшӗ хыҫҫӑн ПЦР-тест тунӑ ҫынсене пырса тивет.

ПЦР-тест туман, анчах антителӑсем пур пулсан та код парӗҫ. Вӑл ҫур ҫул вӑйра пулӗ.

 

Раҫҫейре

«НТВ» телеканалпа кӑтартакан «ДНК» кӑларӑмра Паян Чӑваш Енри хӗрарӑмпа ывӑлӗ пулчӗҫ.

Светлана Иванова – Шупашкар районӗнчи Кӗҫӗн Турхан ялӗнчен. Хӑй вӑхӑтӗнче вӑл Хусанти аслӑ шкулта ветеринара вӗреннӗ. Унта Олег ятлӑ студентпа туслӑ пулнӑ. Кӑштахран Светлана качча тухнӑ, унӑн хӗр те ҫуралнӑ. Ун чухне Светлана пиллӗкмӗш курсра вӗреннӗ. Вӑл вӑхӑтра Олег та авланса ӗлкӗрнӗ. Вӑл пӗрле вӗреннӗ хӗрпе ҫемье ҫавӑрнӑ.

Пӗррехинче Светланӑпа Олег общежитири пӳлӗмре тӑрса юлнӑ. Кӑштахран ҫамрӑк хӗрарӑмӑн ача, ывӑл, ҫуралнӑ. Ӑна Пётр тесе ят панӑ. Халӗ вӑл 41 ҫулта. Вӑл ҫемьеллӗ, хӗрпе ывӑл ӳстерет. Петя Шупашкарта пурӑнать.

Олег 2000 ҫултах вилнӗ, анчах арҫыннӑн тӑватӑ хӗр: Елена, Надежда, Дарья, Любовь – юлнӑ. Вӗсем – Чӗмпӗр облаҫӗнчи Красносельскран.

Телекӑларӑмра Петьӑн ашшӗ Олег, апла пулсан унӑн тӑватӑ хӗрӗ чӑваш арҫыннипе ашшӗ енчен пӗр тӑван иккенне ДНК-анализ ҫирӗплетсе пачӗ. Пӗр тӑвансем чунтан савӑнчӗҫ, пӗр-пӗринпе туслӑн хутӑшса пурӑнма шантарчӗҫ.

 

Раҫҫейре
Валентин Макаров. suvargazeta.ru сӑнӳкерчӗкӗ
Валентин Макаров. suvargazeta.ru сӑнӳкерчӗкӗ

«Каллех ҫухату, каллех ҫыравҫӑ...», — пӗлтернӗ Тутарстанри «Сувар» хаҫат асӑннӑ республикӑри Ҫӗпрел районӗнчи Алешкин-Саплӑк ялӗнче пурӑнакан хисеплӗ таврапӗлӳҫӗ Валентин Макаров пурнӑҫран уйрӑлса кайни ҫинчен.

Валентин Макаров 1941 ҫулта Ҫӗпрел районӗнчи Алешкин-Саплӑк ялӗнче ҫуралнӑ. Тракторист-машиниста вӗренсе тухнӑ, колхозра та ӗҫленӗ, ялти клубра заведующи те, шкулта учительте те, ҫав вӑхӑтрах таврапӗлӳ енӗпе те кӑсӑкланнӑ.

«Пӗтӗм тӗнчери историе пӗлнипе кӑна мар, хамӑр тӑван ҫӗршыв ҫинчен пӗлни хаклӑ тупра. Ачасене хамӑр таврана вӗрентме тӑрӑшмалла», — тесе шухӑшланӑ Валентин Фёдрович.

Вӑл — «Пирӗн тӑрӑхпа Алешкин-Саплӑк ялӗн аваллӑхӗ», «Жизнь, отданная авиации» кӗнекесен авторӗ.

 

Раҫҫейре

Шупашкарти Арам Гамбарян «Пятница» телеканалпа пыракан «Кондитер» шоуна хутшӑннӑ. Унӑн торчӗ жюрие килӗшнӗ, ҫавӑнпа вӑл финалта та кӗрешӗ.

Арам 25 ҫулта, вӑл Шупашкартан. Кондитер ӗҫӗпе вӑл 3 ҫул аппаланать. Вӑл торт пӗҫерме юратать. Вӑл конкурса чӗре евӗр торт пӗҫерсе килнӗ.

Халӗ Арам Гамбарян финалта Раҫҫейри чи лайӑх халӑх кондитерӗ ята тивӗҫессишӗн кӗрешӗ.

Хыпар ҫӑлкуҫӗ: https://pg21.ru/news/75852
 

Раҫҫейре
oreanda.ru сайтри сӑн
oreanda.ru сайтри сӑн

Чӳк уйӑхӗн 24-мӗшӗнче РФ Сывлӑх сыхлавӗн министерстви ачасем валли хатӗрленӗ вакцинӑна регистрациленӗ. Кӑшӑлвирусран хӳтӗлекенскер «Спутник М» /«Гам-КОВИД-ВакМ»/ ятлӑ.

Ӑна «Спутник V» вакцинӑна тӗпе хурса хатӗрленӗ. Вӑл икӗ компонентлӑ, иккӗмӗш укола пӗрремӗшӗ хыҫҫӑн 21 кунран тӑваҫҫӗ. Ку вакцинӑна 12-18 ҫулсенчи ачасем валли хатӗрленӗ. 12-15 ҫулсенчи ачасене ашшӗ-амӑшӗ алӑ пусса ирӗк парсан ҫеҫ прививка тӑваҫҫӗ. 15-17 ҫулсенчисен вара хӑйсен хут ҫырма ирӗк пур.

«Спутник М»-па раштав уйӑхӗн вӗҫӗнче вакцинацилеме тытӑнаҫҫӗ. Ҫав кунах РФ Президенчӗ Владимир Путин 2 ҫултан пысӑкрах ачасем валли вакцина хатӗрлемешкӗн тытӑнма сӗннӗ.

 

Раҫҫейре

«Чӑваш Ен мисӗ», 2018 ҫулта «Тӗнче мисӗ» пулса тӑнӑ Юлия Полячихина олигарха ача ҫуратса панӑ. Хӗрачана 59 ҫулти олигархӑн Рустам Тарикон амӑшне хисеплесе Роза ят панӑ.

Юля хӑй 21 ҫулта. Апла упӑшки унран самай аслӑрах. Вӗсем пӗрле пулнине Дубайри фестивальте журналистсем асӑрханӑ. Унта Юльӑн ашшӗпе амӑшӗ те пулнӑ. Дубая вӗсем Рустам Тарикон самолечӗпе вӗҫнӗ.

Кӑҫал пуш уйӑхӗнче Юльӑн ҫуралнӑ кунӗнче Дмитрий Маликов юрланӑ. Утрав ҫинче ун валли пляжра сцена хатӗрленӗ.

Юля Раҫҫейри чи хитре пике ятне илтсен иномаркӑллӑ пулнӑ. Парне вырӑнне ӑна 3 миллион тенкӗ те панӑ. Рустам Тарико «Раҫҫей мисӗ» конкурс хуҫи пулни паллӑ. Вӑл унта ҫӗнтернӗ ытти хӑш-пӗр хӗрпе те пурӑннӑ. Пӗрне ывӑл ҫураттарнӑ.

Хыпар ҫӑлкуҫӗ: https://pg21.ru/news/75639
 

Раҫҫейре

Куславкка тӑрӑхӗнче пурӑнакан Васильевсем «Ҫулталӑкри ҫемье» Пӗтӗм Раҫҫей конкурсӗнче ҫӗнтернӗ. Вӗсем «Ҫемье – йӑла-йӗрке управҫи» номинацире мала тухнӑ.

Конкурса чӳк уйӑхӗн 15-мӗшӗнче пӗтӗмлетнӗ. Пилӗк номинаци пулнӑ: «Нумай ачаллӑ ҫемье», «Ҫамрӑк ҫемье», «Ялти ҫемье», «Ылтӑн ҫемье», «Ҫемье – йӑла-йӗрке управҫи». Васильевсем юлашки номинацире маттур пулнӑ. Юрий Дементьевичпа Валентина Петрвна 32 ҫул пӗрле пурӑнаҫҫӗ.

Палӑртмалла: кӑҫал конкурса пӗтӗм регионти 3 пин ытла ҫемье хутшаннӑ. Финала 366 ҫемье тухнӑ, вӗсенчен 85-шӗ ҫӗнтернӗ.

 

Раҫҫейре
sharij.net сайтри сӑн
sharij.net сайтри сӑн

Раҫҫейре транспорта тата лавккасене QR-кодпа кӗртме тытӑнасшӑн. Ҫавна май саккун проекчӗ хатӗрлеҫҫӗ.

Тӳре-шара общество транспортне тата кафесемпе лавккасене ҫак кодпа кӗртме тытӑнасси пирки шутлать. Саккун проектне Патшалӑх Думине пӑхса тухма пани пирки кайран пӗлтерӗҫ.

Хальлӗхе палӑртнӑ тӑрӑх, кунашкал йӗрке 2022 ҫулхи ҫӗртме уйӑхӗччен пулма пултарать. Мӗн тӗллевпе тӑвасшӑн ҫак йӗркене? Паллах, ҫынсем ытларах вакцинациленччӗр тесе. Аса илтерер: хальлӗхе Раҫҫейре аслӑ ӳсӗмри ҫынсен 48,4 проценчӗ кӑшӑлвирусран прививка тутарнӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...103
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (21.05.2022 21:00) тӗтреллӗ ҫанталӑк, атмосфера пусӑмӗ 745 - 747 мм, 2 - 4 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Чылай япалана çĕнсе илетĕр. Хăвăр ума тĕллев лартăр та ун патне талпăнăр. Хăвăра лайăхрах туйма пуçлатăр. Сывлăха çирĕплетме тăрăшăр, ÿт-пĕве пиçĕхтерни усăллă. Килте тирпейлĕ, пĕчĕк юсав ирттерме пултаратăр. Килте таса пулсан хăвăра та аван туятăр. Мăшăрпа хирĕçнĕ тĕк халĕ унпа мирлешме пултаратăр.

Ҫу, 21

1963
59
Сидоров Николай Иванович, чӑваш ҫыравҫи ҫуралнӑ.
2007
15
Бурнаевский Валентин Григорьевич, чӑваш ҫыравҫи вилнӗ.
Пулӑм хуш...Пулӑм хуш...

Ыйтӑм

Чӑваш халӑх сайтӗнче цензура пулмалла-и?
Ҫук, хуть те мӗнле материала ирӗклӗн вырнаҫтармалла
Ку ыйтӑва редакци татса памалла
Паллах, пулмалла, унсӑр ӑпӑр-тапӑр япала лартма пулать!
Маншӑн ҫавах
Пулмалла, анчах виҫеллӗ
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org