Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Тиркекене тирӗк тӗпӗ лекет.
[ваттисен сӑмахӗ]
 

Хыпарсен ҫыххи: Раҫҫейре

Раҫҫейре
t.me/bbbreaking сайтран илнӗ скриншот
t.me/bbbreaking сайтран илнӗ скриншот

Пирӗн ҫӗршывра пурӑнакансенчен 95 миллион ҫын кунсерен тӗнче тетелне кӗрет. Унта вӗсем вӑтамран 4 сехете яхӑн ирттереҫҫӗ. Ҫакӑн пекмпӗлтернӗ «Mediascope» тӗпчев компанийӗн ӗҫ тӑвакан директорӗ Ксения Ачкасова.

Интернет аудиторийӗ ӳснине специалистсем аслӑ ҫулхисем те унта вӑхӑта ирттернипе сӑлтавлаҫҫӗ. «Ҫамрӑксем пирӗн унта», — тенӗ эксперт.

Хыпар ҫӑлкуҫӗ: https://t.me/bbbreaking/150441
 

Раҫҫейре
vk.com сайтри сӑн
vk.com сайтри сӑн

Канаш районӗнчи Янкӑлч ялӗнче ҫуралса ӳснӗ Танина Лорде «Россия» каналпа пыракан «Ну-ка, все вместе!» шоура жюри пайташӗ пулнӑ. Ку – вокал конкурсӗ.

Унта хутшӑнакансен юрласа жюрие тӗлӗнтермелле, вӗсене пӗрле юрласа яма хӗтӗртмелле. Пирӗн ентеш конкурсра Раҫҫей эстрада юрӑҫисемпе Сергей Лазаревпа, Николай Баскаковпа пӗрле ӳкерӗнет. Унта пӗтӗмпе – 100 жюри пайташӗ.

Танина Лорде хӑй вӑхӑтӗнче Шупашкарти музыка училищинче тата Раҫҫей патшалӑх сцена искусствисен институтӗнче вӗреннӗ.

Хыпар ҫӑлкуҫӗ: https://pg21.ru/news/85527
 

Раҫҫейре

Кӑҫал Пӗтӗм тӗнчери хӗрарӑмсен кунӗ эрне варрине лекнӗрен пӗр кун кӑна кантараҫҫӗ. Раҫҫей Правительстви ку уява Тӑван ҫӗршыв хӳтӗлевҫин кунӗ чухнехи пек ытти канмалли кунпа пӗрлештермен.

Эрнере пилӗк кун ӗҫлекенсем юнкун, пуш уйӑхӗн 8-мӗшӗнче, канӗҫ. Ыран, ытларикун, кӗске ӗҫ кунӗ пулӗ: 1 сехет сахалрах ӗҫлемелле.

Уявпа ҫыхӑннӑ тепӗр канмалли кунсем ҫу уйӑхӗнче кӑна пулӗҫ.

 

Раҫҫейре
dzen.ru сӑнӳкерчӗкӗ
dzen.ru сӑнӳкерчӗкӗ

Тӑван ҫӗршывӑн аслӑ вӑрҫи вӑхӑтӗнче паттӑрлӑх кӑтартнӑ салтаксене асӑнса Нева юханшывӗн сулахай ҫыранӗнче Астӑвӑм аллейи йӗркеленӗ.

Нева плацдармӗнчи салтаксем блокадӑри Ленинграда хӳтӗлеме паттӑррӑн хутшӑннӑ, вӗсенчен чылайӑшӗ ҫавӑнта куҫне хупнӑ.

Асӑну аллейинче Питӗрти чӑваш хастарӗсем ентешсене асӑнса стелла вырнаҫтарасшӑн. Ку ӗҫе укҫасӑр тӑваймӑн. Ҫавна май Ленинград облаҫӗнчи чӑвашсен общество организацийӗ укҫа пухассине пӗлтернӗ.

 

Раҫҫейре
ufa.mk.ru сайтри сӑн
ufa.mk.ru сайтри сӑн

Паян РФ Президенчӗ Федераци Канашне янӑ ҫырупа паллаштарчӗ. Унта хускатнӑ темӑсенчен пӗри – ӗҫленӗшӗн пӗр уйӑхра тӳлемелли чи пӗчӗк виҫе /МРОТ/.

Ҫулталӑк пуҫланнӑранпа ку виҫе 6,3 процент ӳснӗ. Владимир Путин каланӑ тӑрӑх, ҫитес ҫултан чи пӗчӗк шалу 19 пин те 242 тенкӗпе танлашӗ. Ҫапла вӑл тӳрех 18,5 процент ӳсӗ.

Хыпар ҫӑлкуҫӗ: https://pg21.ru/news/85171
 

Раҫҫейре
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Сарту хулинче ака уйӑхӗн 21-26-мӗшӗсенче Раҫҫейри ҫамрӑксен XXII Дельфы вӑййисем иртӗҫ.

Чӑваш Енрен унта Шупашкарти Э. Юрьев ячӗллӗ 4-мӗш художество шкулӗнче, Шупашкар муниципалитет округӗнчи Тутаркассинчи ача-пӑча ӳнер шкулӗнче, Ҫӗнӗ Шупашкарти музыка шкулӗнче, Шупашкарти Ф. Павлов ячӗллӗ музыка училищинче, Шупашкарти художество училищинче, Чӑваш Республикин культура институчӗпе колледжӗнче вӗренекенсем хутшӑнӗҫ.

 

Раҫҫейре
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Енӗн Федераци Канашӗнчи кунӗсем иртӗҫ. Вӗсене ҫӗртме уйӑхӗн 20-21-мӗшӗсенче йӗркелӗҫ.

Ҫавӑн йышши мероприяти унччен вунӑ ҫул каялла пулса иртнӗ. 2022 ҫулта вара Федераци Канашӗнче Валентина Матвиенко хутшӑннипе «Женщина в тылу. Подвиг. Любовь. Победа» (чӑв. Тылри хӗрарӑм. Паттӑрлӑх. Юрату. Ҫӗнтерӳ) пысӑк курав йӗркеленӗ. Ӑна Сӑр тата Хусан хӳтӗлев чиккисене чавма хутшӑннисене хисеп туса ирттернӗ.

 

Раҫҫейре
t.me/nikamran каналтан илнӗ сӑнӳкерчӗк
t.me/nikamran каналтан илнӗ сӑнӳкерчӗк

Нарӑс уйӑхӗн 4-мӗшӗнче Чӗмпӗрте кӗпӗрнаттӑр парнине ҫӗнсе илессишӗн юланутҫӑсен тупӑшӑвӗ иртнӗ. Унта Чӑваш Ен юланутҫи ҫӗнтернӗ.

Ӑмӑртӑва Чӗмпӗр облаҫне йӗркеленӗренпе 80 ҫул ҫитнине халалланӑ. Юланутҫӑсен тупӑшӑвне Тутарстанран, Сарту тата Тамбов облаҫӗсенчен пырса ҫитнӗ.

2400 метрлӑ ӑмӑртура кӗпӗрнаттӑр парнине, 87 пин тенкӗ укҫана, Евгений Матьяновӑн «Арсенал» лаши тивӗҫнӗ. Евгений — 2-мӗш категориллӗ юланутҫӑ.

 

Раҫҫейре
Дмитрий Никитинӑн ӳкерчӗкӗ
Дмитрий Никитинӑн ӳкерчӗкӗ

Раҫҫей Инкеклӗ лару-тӑру министерстви ача-пӑча ӳкерчӗкӗсен «Ҫӑлавҫӑ – паттӑрсен ӗҫӗ» конкурса пӗтӗмлетнӗ. Ӑна Раҫҫейри ҫӑлавҫӑсен кунне халалланӑ. Ку уява раштав уйӑхӗн 28-мӗшӗнче паллӑ тӑваҫҫӗ.

Конкурса тӗрлӗ регионти 266 ӗҫ ҫитнӗ. Вӗсене жюри икӗ ушкӑна пайласа хакланӑ: 7-14 ҫулсенчисем тата 15-18 ҫулсенчисем. Иккӗмӗш ушкӑнра пирӗн ентеш пӗрремӗш вырӑн йышӑннӑ. Вӑл – Дмитрий Никитин, Кӳкеҫри лицейра 8-мӗш класра вӗренет.

Димӑна ведомство дипломпа чыслӗ.

 

Раҫҫейре

Мускавра Хӗл Мучисен слечӗ иртнӗ. Унта Чӑваш Енри асамҫӑ та хутшӑннӑ.

«Раштава – ҫулҫӳрев» фестивале тӗрлӗ ргионти 14 Хӗл Мучи хутшӑннӑ. Кӑрлачӑн 5-7-мӗшӗсенче вӗсем Мускав тӑрӑх ҫӳренӗ, паллӑ вырӑнсене ҫитнӗ, Ҫӗнӗ ҫулти йӑла-йӗрке пирки каласа кӑтартнӑ, Мускав ҫыннисемпе, туристсемпе сӑн ӳкерӗннӗ, ачасене парнесем панӑ.

Пирӗн Хӗл Мучи слетра рекордсмен пулса тӑнӑ. Ҫакна Пӗтӗм тӗнчери «Интеррекорд» рекордсен регистрацийӗ паллӑ туса хунӑ.

Хыпар ҫӑлкуҫӗ: https://pg21.ru/news/84279
 

Страницӑсем: 1, 2, 3, 4, 5, 6, 7, 8, 9, 10, [11], 12, 13, 14, 15, 16, 17, 18, 19, 20, 21, ...119
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хуҫин ҫитӗннӗ ачисем
пӗтӗм кил-йышпа тухаҫҫӗ
хуҫа тарҫи
хӑнана ӑсатма никам та тухмасть
хуҫа хӑй
хӑни ҫулне ахаль те пӗлет, ӑсатмасӑр та
хуҫа арӑмӗ
ӑсатма тухни — ҫылӑх, юрамасть
хуть те кам тухсан та