Сайта кӗр | Регистраци | Сайта кӗрсен унпа туллин усӑ курма пулӗ
 +12.3 °C
Ҫурхи кун кӗр тӑрантарать.
[ваттисен сӑмахӗ]
 

Хыпарсен ҫыххи: Раҫҫейре

Раҫҫейре
t.me/suvargazeta сӑнӳкерчӗкӗ
t.me/suvargazeta сӑнӳкерчӗкӗ

Чӑваш Енре пурӑнакансем инҫе ҫула кайнӑ чухне Хусанти аэропортпа час-часах усӑ кураҫҫӗ. Кӑҫал вара ҫав объекта ҫӗнетме палӑртнӑ.

Вырӑнти «Сувар» хаҫат пӗлтернӗ тӑрӑх, аэропортри инфраструктурӑна кӑҫалхи юпа уйӑхӗнче иртекен БРИКС саммичӗ валли хатӗрлӗҫ. Асӑннӑ мероприятие 33 ҫӗршывран килсе ҫитмелле.

Хусан аэропортӗнче 300 пин тӑваткал метр пысӑкӑш перрон тума хатӗрленеҫҫӗ. Вӑл саммита вӗҫсе килекен самолетсем валли кирлӗ. Ҫапла вара саммита килнӗ самолӗтсене Самарӑна, Екатеринбурга е Ӗпхӗве ӑсатма тивмӗ.

Хыпар ҫӑлкуҫӗ: https://t.me/suvargazeta/9397
 

Раҫҫейре
gov.ru сайтри сӑн
gov.ru сайтри сӑн

Кӑрлач уйӑхӗн 5-мӗшӗнче Раҫҫее Турцирен 19 тонна ҫӑмарта кӳрсе килнӗ. Пӗтӗмпе - 316800 ҫӑмарта. Ку - иккӗмӗш парти. Пӗрремӗш партие кӑрлачӑн 3-мӗшӗнче кӳрсе килнӗ. Ун чухне те ҫавӑн чухлех тонна пулнӑ.

Турцирен кӳрсе килсе Раҫҫейри лавккасенче ҫӑмарта хакне чакарасшӑн тата дефицита пӗтересшӗн. Ҫӑмартана чикӗ леш енчен илсе килнӗ чухне унра сиенлӗ тата усӑ курма юраман япаласем пуррипе ҫуккине тӗрӗслеҫҫӗ.

Аса илтерер: юлашки вӑхӑтра Раҫҫейри лавккасенче ҫӑмарта хакӗ палӑрмаллах ӳснӗ.

 

Раҫҫейре
cap.ru сӑнӳкерчӗкӗ
cap.ru сӑнӳкерчӗкӗ

Кӑрлачӑн 4-мӗшӗнче Мускаври ВДНХра иртекен «Раҫҫей» курав-форумра Аркадий Иринӑна качча тухма ыйтнӑ. Каччӑ - Мускавран, Чӑваш Енри аслӑ шкулта вӗреннӗ, хӗр - Шупашкартан. Вӗсем ЧР Экономика министерствинче ӗҫленӗ чухне паллашнӑ.

Каччӑ хӗре ахальтен мар ҫак вырӑнта ылтӑн ҫӗрӗ тӑхӑнтартса мӑшӑрӗ пулма ыйтнӑ. Мӗншӗн тесен шӑпах вӗсем ӗҫлекен пай хальхи вӑхӑтра экспозицие хутшӑнать.

Хыпар ҫӑлкуҫӗ: https://t.me/oanikolaev
 

Раҫҫейре
orlandoshuttleport.com сӑнӳкерчӗкӗ
orlandoshuttleport.com сӑнӳкерчӗкӗ

Ҫӗнӗ ҫул каҫхине пирӗн ҫӗршывра кашни абонент вӑтамран миҫе хутчен шӑнкӑравлассине палӑртнӑ.

Кашни ҫын вӑтамран пӗр хутчен шӑнкӑравлӗ, 7 СМС-ҫыру ӑсатӗ, 1 Гб ытларах интернет пӗтерӗ. Кун пек прогноза «Тинькофф» искусство интеллекчӗн технологийӗсен центрӗ шухӑшласа кӑларнӑ ETNA аналитика сервисӗ пӗлтернӗ.

Мобильлӗ интернет-трафика ытларах тӑкаклакан вӑхӑт раштав уйӑхӗн 31-мӗшӗнче 19 тата 21 сехетсене тивӗ тата ҫурҫӗр ҫитеспе нумайланӗ. Шӑнкӑравлакансем раштав уйӑхӗн 31-мӗшӗнчи 22 сехетрен пуҫласа кӑрлач уйӑхӗн 1-мӗшӗччен йышланӗҫ. СМС-ҫырусене паян 13 сехет тӗлӗнче нумай ӑсатӗҫ тата кӑрлачӑн 1-мӗшӗнче ҫурҫӗртен пуҫласа ирхи 3 сехетчен.

Хыпар ҫӑлкуҫӗ: https://t.me/bbbreaking/172525
 

Раҫҫейре
«Известия» архивӗнчи сӑн
«Известия» архивӗнчи сӑн

Кӑрлач уйӑхӗн 1-мӗшӗнчен РФ Патшалӑх Думин депутачӗсен хамӑр ҫӗршывра туса кӑларнӑ машинӑсемпе ҫӳреме пуҫламалла. Унсӑрӑн Патшалӑх Думи вӗсене бензин расхучӗшӗн тӳлеме пӑрахӗ.

«Известия» хаҫат пӗлтернӗ тӑрӑх, ҫитес ҫултан иномаркӑпа ҫӳрекен депутатсенчен бензин расхучӗшӗн илмелли документсене йышӑнма пӑрахӗҫ. Анчах РФ Промышленноҫ министерстви списокра хӑш-пӗр иномарка маркисене хӑварӗ.

 

Раҫҫейре
www.profi-forex.org сӑнӳкерчӗкӗ
www.profi-forex.org сӑнӳкерчӗкӗ

PR Partner генеральнӑй директорӗ Инна Анисимова ҫитес ҫул валли PR-трендсем епле пулассине пӗлтернӗ.

Кӗскен каласан, йӑлана кӗнӗ медиа хӑйӗн вӑйне ҫухатмӗ: информаци агентствисен аудиторийӗ паянхи куна пӗчӗк мар, хӑш чухне блогерсемпе инфлюенсерсенчен те иртет. Телевидение илсен, ӑна пирӗн ҫӗршывра пурӑнакансенчен 52 проценчӗ шанать.

Бренд-медиа вӑй илсе пырать. Брендсене вара кириллизацилессипе вырӑслатас йӑла малалла пырӗ. Пирӗн ҫӗршывра пурӑнакансенчен 53 проценчӗ акӑлчан сӑмахӗсемпе тата ют ҫӗршыв чӗлхисенчен кӗнӗ сӑмахсемпе усӑ курнине хирӗҫ.

Хыпар ҫӑлкуҫӗ: https://t.me/huzhegebbelsa/7485
 

Раҫҫейре
Диана Яковлева страницинчен илнӗ сӑнӳкерчӗк
Диана Яковлева страницинчен илнӗ сӑнӳкерчӗк

Шупашкар пики Диана Яковлева илем конкурсӗнче черетлӗ хутчен палӑрнӑ.

Диана — 20 ҫулта, вӑл Ульянов ячӗллӗ Чӑваш патшалӑх университетӗнче вӗренет. Хӗр тӗрлӗ илем конкурсне тӑтӑшах хутшӑнать, хамӑр тӑрӑхри тӗрлӗ производителӗн тумне рекламӑлать. Хальхинче Диана «Раҫҫейӗн ҫамрӑк сӑнӗсем – Студентсем хушшинчи Мистер тата Мисс» спортпа ӑс-тӑн тата илем конкурсне хутшӑннӑ. Унта вӑл «Мисс Грация» номинацире ҫӗнтернӗ.

Хыпар ҫӑлкуҫӗ: https://vk.com/wall273507751_1510
 

Раҫҫейре
56orb.ru сайтри сӑн
56orb.ru сайтри сӑн

Раҫҫейре ҫӑмарта хакланни пирки унччен пӗлтернӗччӗ. «Amur.life» сайт хыпарланӑ тӑрӑх, хӑш-пӗр регионта ӑна пӗрер сутма пуҫланӑ.

Паянхи кун Крымра пӗр теҫетке ҫӑмарта 200 тенкӗ тӑрать. Ытла хаклӑ пулнӑран ӑна пӗрер сутаҫҫӗ, пӗри 20 тенкӗ тӑрать. Эренпурпа Новосибирскра пӗр ҫӑмартана 11,5 тенкӗпе сутаҫҫӗ.

Аналитиксемпе тӗрлӗ тӗрӗслев органӗсем каланӑ тӑрӑх, ҫӑмарта хакӗ кайӑк-кӗшӗк грипне, электроэнерги хакланнине пула ӳснӗ.

 

Раҫҫейре

Коммуналлӑ пулӑшушӑн тата ҫурт-йӗре тытса тӑнишӗн тӳленӗ чух хӑш-пӗр банксем комисси илеҫҫӗ. Раҫҫейӗн Патшалӑх Думи пенсионерсене, инвалидсене, сахал тупӑшлисене, ҫар хирӗҫтӑрӑвне хутшӑннисене комисси тӳлеттерме чарма йышӑннӑ.

Саккуна виҫҫӗмӗш вулавпа йышӑннӑ.

«Саккунри ҫӗнӗ йӗрке социаллӑ пулӑшу кирлӗ категорисене ҫеҫ пырса тивет. Тулли перечене РФ Правительстви ҫирӗплетӗ», — тесе ҫырнӑ Телеграмри хӑйӗн каналӗнче РФ Патшалӑх Думин председателӗ Вячеслав Володин.

 

Раҫҫейре
t.me/nikamran сӑнӳкерчӗкӗ
t.me/nikamran сӑнӳкерчӗкӗ

Чӑваш Енри Шупашкар районӗнче ҫуралнӑ Евгений Степанов «Ҫул кӑтартакан ҫӑлтӑр – 2023» премийӗн «Чи лайӑх эскурсовод» номинацийӗнче ҫӗнтернӗ.

Асӑннӑ наградӑна ҫӗршывӑн тӗп хулинче туризма аталантаракансене параҫҫӗ иккен. Мускавра пурӑнакан пирӗн ентешӗмӗр сумлӑ ҫав йыша лекнӗ.

Аса илтерер: Евгений И.Н. Ульянов ячӗллӗ Чӑваш патшалӑх университетӗнчи журналистика факультетӗнче ӑс пухнӑ. Кайран вӑл пӗр хушӑ телевиденире ӗҫленӗ. Ун хыҫҫӑн экскурсисем ирттерме тытӑннӑ.

Унӑн «Мускавра уҫӑлса ҫӳретпӗр» проекчӗ пурнӑҫланма тытӑннӑранпа 7 ҫул ҫитнӗ. Евгений хӑйӗнпе пӗр шухӑшлӑ ҫынсемпе туристсем валли экскурсисем тӳлевсӗрех ирттерет.

Хыпар ҫӑлкуҫӗ: https://t.me/nikamran/10134?single
 

Страницӑсем: 1 ... 4, 5, 6, 7, 8, 9, 10, 11, 12, 13, [14], 15, 16, 17, 18, 19, 20, 21, 22, 23, 24, ...129
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (02.05.2025 15:00) пӗлӗтлӗ ҫанталӑк, атмосфера пусӑмӗ 747 - 749 мм, 12 - 14 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрне сире пурнӑҫ мӗн тери йӗркесӗр пулнине аса илтерӗ. Хӑвӑр пирки кана шутланипе эсир ыттисене асӑрхамастӑр. Ӑнланма вӑхӑт ҫитнӗ: сирӗн интерессем ыттисеннипе тачӑ ҫыхӑннӑ. Эппин, кама та пулин япӑх туса эсир хӑвӑра сӑтӑр тӑватӑр.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хуҫа арӑмӗ
хӑни ҫулне ахаль те пӗлет, ӑсатмасӑр та
хуҫа тарҫи
хӑнана ӑсатма никам та тухмасть
хуҫин ҫитӗннӗ ачисем
хуҫа хӑй
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуть те кам тухсан та