Анатолий Рыбкин

Юпа уйӑхӗн 6-мӗшӗнче, 17 сехетре, Мускавра Раҫҫей Федерацийӗн тава тивӗҫлӗ художникӗн, Чӑваш Республикин халӑх художникӗн, Раҫҫей ӳнер академийӗн член-корреспонденчӗн Анатолий Рыбкинӑн «Палитра памяти» куравӗ уҫӑлӗ. Ӑна Чӑваш автономи облаҫне туса хунӑранпа 100 ҫул ҫитнине халалланӑ. Курава Мускаври Пречистинка урамӗнчи 21-мӗш ҫуртра уҫӗҫ.

Анатолий Рыбкин Сӗнтӗрвӑрри районӗнчи Ваҫликасси ялӗнче ҫуралнӑ. Шупашкарти ӳнер училищинче, Ленинградри И.Е. Репин ячӗллӗ живопись, скульптура тата архитектура институтӗнче вӗреннӗ. Питӗрти патшалӑх педагогика институтӗнче художествӑпа графика факультетӗнче, Красноярскри художество институтӗнче преподавательте ӗҫленӗ. Мускавра 1980 ҫулта иртнӗ Олимпиадӑна художник пулса хутшӑннӑ.

Пултарулӑх ӗҫӗпе Анатолий Рыбкин Францире, Индире, Тунисра, Китайра тата ытти ҫӗршывра пулнӑ. 50-а яхӑн курав уҫнӑ.

Авӑн уйӑхӗн 24-мӗшӗнче Чӑваш Ен Наци вулавӑшӗнче «Варкӑш» литература клубӗн ларӑвӗ иртнӗ. Унта ҫамрӑксен хайлавӗсенчен тӑракан «Пирӗшти патне янӑ ҫыру» кӗнекене тишкернӗ.

Кӑларӑма 11 авторӑн: Нина Царыгинан, Екатерина Кошелеван, Ольга Австрийскаян, Инесса Шашкинан, Анастасия Владимирован, Валентина Селенинан, Ирина Кошкинан, Мальвина Петрован, Анастасия Данилован, Екатерина Устинован, Олесч Михайлован – хайлавӗсем кӗнӗ. Чӑваш кӗнеке издательствинче пӗлтернӗ тӑрӑх, кӑларӑмра тӗрлӗ темӑна хускатнӑ: тӑватӑ ураллӑ туссем, ҫутҫанталӑка хӳтӗлесси, ҫемьери хутшӑнусем ҫинчен тата ытти те.

Кӗнекене хаклама авторсем те пуҫтарӑннӑ. Литература клубне пухӑннисем кӗнекери калавсем, юмахсем, халапсем – вӑтам шкул ҫулӗнчи ачасем валли питех паха хайлавсем.

premier.region35.ru сайтри сӑн

Европӑра тата Раҫҫейри хӑш-пӗр регионта кӑшӑлвируспа чирлекенсем нумайланнӑран Чӑваш Енри тӳре-шара маларах сисчӗвленнӗ, инфекцие сарӑлма парас мар тесе мерӑсене вӑйлатасшӑн.

Ют ҫӗршывран килекенсем анализ параҫҫӗ-ха, анчах ют регионсенчен килекенсемпе мӗнле пулмалла? Мускавран тата Мускав облаҫӗнчен вахта мелӗпе ӗҫлесе килекенсене вӑйлӑрах тӗрӗслесшӗн. Ку ӗҫе ял тӑрӑхӗн пуҫлӑхӗсене, ял старостисене явӑҫтарасшӑн.

Шупашкарти тата Ҫӗнӗ Шупашкарти, шӑпах ҫак муницbпалитсенче чирлекен нумай, общество вырӑнӗсенче тата транспортра профилактика мерисене вӑйлатасшӑн. Шкула тата ача пахчине ҫӳрекен ачасен ашшӗ-амӑшӗпе те калаҫу ирттересшӗн: чирлӗ шӑпӑрлансене ҫавӑтса ан килччӗр. Педагогсен вара медицина маски тӑхӑнмалла.

nikatv.ru сайтри сӑн

Республикӑра юлашки вӑхӑтра кӑшӑлвируспа ҫине-ҫинех вилеҫҫӗ. Паянхи кун тӗлне ав тепӗр ҫын пурнӑҫран уйрӑлнӑ. Ҫапла майпа ку таранччен ҫак каварлӑ инфекцие пула 93 ҫыннӑн пурнӑҫӗ татӑлнӑ.

Паянхи кун тӗлне Чӑваш Енре 8486 ҫын кӑшӑлвируспа чирленӗ. Юлашки талӑкра 27 ҫыннӑн анализӗ организмра ҫак инфекци пуррине кӑтартнӑ. 21 ҫын вара сывалнӑ. Пӗтӗме ку таранччен 7195 ҫын кӑшӑлвируса парӑнтарнӑ.

Хальхи вӑхӑтра 1198 ҫын инфекцирен сипленет. Республикӑра кӑшӑлвирус сарӑлнин индексӗ 1-пе танлашать.

Ҫӗнӗ Шупашкар администрацийӗн экс-пуҫлӑхӗ Ольга Чепрасова

Чӑваш Енри 13 район тата хула администрацийӗсен ертӳҫисене отставкӑна янӑ. Ҫӗнӗ Шупашкар тата Канаш хулисен сити-менеджерӗсене ӗҫрен кӑларнӑ. Ку контракт вӗҫленнипе ҫыхӑннӑ.

Улатӑр, Элӗк, Патӑрьел, Йӗпреҫ, Канаш, Комсомольски, Муркаш, Пӑрачкав, Ҫӗмӗрле, Елчӗк, Тӑвай район администрацийӗсен пуҫлӑхӗсене отставкӑна янӑ. Хальлӗхе вӗсен тивӗҫӗсене ҫумӗсем пурнӑҫлаҫҫӗ.

Сӑмах май, Шупашкар хула администрацийӗн пуҫлӑхӗн Алексей Ладыковӑн та контракт вӗҫленсе пырать. Ӑна та кӗҫех отставкӑна ярӗҫ.

Сӗнтӗрвӑрри районӗнчи Кукашни ялӗнче пурӑнакан Елена Анатольевна тата Борис Гурьевич Марковсем пӗр-пӗринпе тӑватӑ теҫетке ҫула яхӑн килӗштерсе пурӑнаҫҫӗ. Тата тӗрӗсрех каласан, вӗсем пӗрлешнӗренпе – 37 ҫул.

Борис Гурьевич – хӗҫпӑшаллӑ вӑйсен саппасри подполковникӗ, Раҫҫейри пенсионерсен союзӗн пайташӗ, вырӑнти ял тӑрӑхӗнче тӗрлӗ ӗҫе хастар хутшӑннипе палӑрса тӑрать. Вӑл ҫамрӑксене патриот воспитанийӗ парас енӗпе чылай ӗҫлет-мӗн.

Елена Анатольевна – педагогика ӗҫӗн ветеранӗ, биологи учителӗ. Ҫар ҫынни пулнӑ мӑшӑрӗпе унӑн пӗр гарнизонтан тепӗрне, пӗр шкултан тепӗрне куҫса ҫӳреме тивнӗ. Мӑшӑр виҫӗ ывӑл ҫуратса ӳстернӗ. Халӗ вӗсем мӑнукне ӳстерме пулӑшаҫҫӗ.

Машӑра «За любовь и верность» (чӑв. Юратупа шанчӑклӑхшӑн) медальпе чысланӑ.

3. Presens-Futurum е тыткӑнри тӗлӗксем

2020-мӗш Астӑвӑмпа мухтав ҫулталӑкӗнчи «Тӑван Атӑл» кӑларӑмӗсене уҫса тухрӑм. Ӗлӗксенче литературӑн е уйрӑм журналсен утӑмӗсене ятарласа тишкерӳсенче, ҫыракансемпе вулакансен пухӑвӗсенче, тӗпчев институчӗн литпай ларӑвӗсенче пӗтӗмлетекенччӗ. Кутемӗн тишкерӳ тавраш курмарӑм, ҫавӑнпа мӗн вуланине пӗрле пӑхса илес-ха терӗм.

Кӑҫал камсем «ТА» журнала унаса-пӗҫерсе тӑраҫҫӗ? Редколлегире генерал-тӗремен Татьяна Вашуркина, малтанхи тӗремен Лидия Михайлова тата хальхи шеф-тӗремен Арсений Тарасов, Юрий Артемьев профессор, Шупашкартан Юрий Сементерпе Геннадий Максимов, Пушкӑртстанран Николай Ишимбай, Чӗмпӗртен Николай Ларионов, Хусантан Евгений Турхан, Самартан Владимир Левуков. Пурте журналта нумайранпа пичетленеҫҫӗ.

Вӗсемсӗр пуҫне камсем пур журналта? Хӑшне-пӗрне (хам тӑтӑшах вуласа пынисене) асӑнса хӑварам.

Пӑраснаҫӑсем (прозаиксене ҫапла калама хӑнӑхса кайрӑм - мӗнрен начар вара?): Денис Гордеев, Сергей Павлов, Улька Эльмен, Валентин Константинов, Елен Нарпи, Елена Мустаева, Ольга Туркай, Владимир Степанов, Николай Андреев.

Малалла...

Раҫҫейӗн теле- тата радиовещани сечӗн Чӑваш Енри филиалӗнче Патӑрьел районӗнче радио калаҫма тытӑнни пирки хыпарланӑ. Унта сӑмах «Радио России» (чӑв. Раҫҫей радиовӗ) радиостанци пирки пырать. Асӑннӑ радион программисене Патӑрьел, Шӑмӑршӑ тата Елчӗк районӗсенче пурӑнакансем итлеме пултараҫҫӗ. Эфира регионти кӑларӑмсене те кӗртеҫҫӗ.

Радио тата телекурав станцийӗ Патӑрьел районӗнчи Ҫӗнӗ Чӗпкасра вырнаҫнӑ. Раҫҫей радиовне итлес тесен FM-диапазон ҫинчи 105,2 МГц юхӑм ҫине кӗмелле. Радиостанци ирхи пилӗк сехетрен пуҫӑнса ҫурҫӗр иртни пӗрреччен ӗҫлет.

cheboksari.bezformata.com сӑнӳкерчӗкӗ

Кӑшалвирус инфекцийӗ сарӑлнипе кӗрешекен оперативлӑ штаб паян каллех ларӑва пуҫтарӑннӑ. Эрнесерен пухакан ӗҫлӗ канашлура палӑртнӑ тӑрӑх, кӑшӑлвируспа чирлекенсем Шупашкар, Ҫӗнӗ Шупашкар тата Улатӑр хулисенче, Шупашкар, Етӗрне, Комсомольски районӗсенче нумайрах. Ларура пӗлтернӗ тӑрӑх, чирпе ватӑ ҫынсем ытларах нушаланаҫҫӗ.

Иртнӗ эрнере пирӗн республикӑри 5 шкулта тата 1 ача пахчинче ку вируспа чирлисем пуррине шута илнӗ. Шупашкарта «Малютка» ача ҫуртӗнче те ҫав вирус ернӗ ҫынна тупса палӑртнӑ.

Республика Элтеперӗ Олег Николаев хӑрушсӑрлӑх мерисене ҫирӗп пӑх пирки аса илтернӗ.

Сасӑлав скриншочӗ

«2020 ҫулхи Раҫҫейри йывӑҫ» пӗтӗм ҫӗршыври конкурса чӑваш юманӗ хутшӑннине эпир пӗлтернӗччӗ ӗнтӗ. Республикӑри чи ватӑ юманшӑн rosdrevo.ru сайтра сасӑлама пулать. Конкурсри унӑн номерӗ — тӑваттӑ. Конкурса ҫӗршывӑн тӗрлӗ регионӗнчи 12 йывӑҫ хутшӑнать.

«Контактра» халӑх ушкӑнӗнчи «Подслушано Чебоксары» (чӑв. Шупашкарта итленӗ) пабликра пӗлтернӗ тӑрӑх, пирӗн юманӑн тан мар кӗрешӗве тӳсме тивет. Юманшӑн пӗр сасӑ памассерен ыттисемшӗн 1 сасӑран пуҫласа 10 сасӑ таран хушӑнса пырать иккен.

Пабликра ҫырнӑ тӑрӑх, паян ирхи вунӑ сехетре ҫавна юриех тӗрӗслесе пӑхнӑ. Вӗсем компьютертан тата телефонтан сасӑланӑ. Юманшӑн сасӑланӑ май Дагестанри йывӑҫшӑн сасӑлани хушӑнса пырать иккен.

Паблик авторӗсем конкурса ирттерекенсене: «Сире намӑс мар-и?» — тесе ӳпкеленӗ.