|
Сывлӑх
 forum.zarulem.ws сайтран илнӗ сӑнӳкерчӗк Ӗнер, утӑ уйӑхӗн 24-мӗшӗнче, Канашра икӗ ача маршрутка урапи айне пулнӑ. Улттӑмӗш класра вӗренекен икӗ арҫын ача ҫуран ҫӳрекенсене касмалли вырӑнтан, анчах светофор ҫук ҫӗртен, каҫма тӑнӑ. Ачасем электросамокатпа пулнӑ. Вӗсем маршрутка урапи айне лекнӗ. Арҫын ачасенчен пӗри суранланнӑ, тепри урине хуҫнӑ. Инекек вӑхӑтӗнче маршруткӑра ҫынсем пулман. Транспорт техникӑна юсаттарма кайма тухнӑскер пулнӑ. Хыпар ҫӑлкуҫӗ:
|
|
Ҫутҫанталӑк
 Жанна Рябцева Телеграм-каналта вырнаҫтарнӑ сӑнӳкерчӗк Чӑваш Ен те Атӑла сыватмалли федераци программине хутшӑнни пирки эпир унччен пӗлтернӗччӗ-ха. Ҫавна май регионта тасатмалли сооруженисем тумалла. Ӑна 2024 ҫулхи чӳк уйӑхӗнчех хута ямалла пулнӑ. Анчах ӗҫ паян кун та тӑрать. Регионсенче тасатмалли сооруженисене тӑвас ӗҫе ҫирӗп тӗрӗслесе тӑракан РФ Патшалах Думин депутачӗ Жанна Рябцева Шупашкарти «Ҫӗнӗ хула» микрорайонти туса пӗтермен сооруженисен сӑнӳкерчӗке Телеграмри хӑйӗн каналӗнче вырнаҫтарнӑ. Объекта тума хыснаран 336,1 миллион тенкӗ уйӑрнӑ, ӗҫ графикран 177 кун юлса пырать. Унсӑр пуҫне сооружение туса 100 миллиона яхӑн нумайрах укҫа кирлӗ теҫҫӗ-мӗн. «2024 ҫулхи утӑ уйӑхӗнче эпир пӗрремӗш хут тӗрӗсленӗ хыҫҫӑн объекта пуҫласа юхтарса кайнӑ. Халӗ, хӑвӑрах куратӑр, ҫӗнӗрен тума ансатрах», – тесе палӑртнӑ Жанна Рябцева. Чӑваш Ен ертӳҫисем объекта 2026 ҫулсӑр та туса пӗтереймессине пӗлтернӗ-мӗн. Хыпар ҫӑлкуҫӗ:
|
|
Пӑтӑрмахсем
 cnnturk.com сайтри сӑн Пӗлӗшне вӗри шывпа сапнӑ, унтан ун ҫине чейник ывӑтнӑ. Кун пек пӑтӑрмах Красноармейски округӗнче 2024 ҫулхи утӑ уйӑхӗнче пулнӑ. Хӗрарӑм пӗлӗшне кӗвӗҫнӗ те вӗсем хирӗҫме пуҫланӑ. Ҫавӑн чухне хӗрарӑм ҫиллине чараймасӑр арҫынна вӗри шывпа сапнӑ, унтан чейнике те ун еннелле ывӑтнӑ. Арҫыннӑн кӑкӑрӗ, сывлав органӗсен тӗлӗнчи ӳчӗ пиҫсе кайнӑ. Шел те, вӑл реанимацире вилнӗ. Хӗрарӑм судра явап тытнӑ. Анчах вӑл айӑпне йышӑнман. Вӑл чейникре сивӗ шыв пулнӑ тесе шухӑшланӑ-мӗн. Суд ӑна 1 ҫуллӑха ирӗксӗр хӑварма йышӑннӑ. Хыпар ҫӑлкуҫӗ:
|
|
Ҫутҫанталӑк
 inbusiness.kz сайтри сӑн Синоптиксем пӗлтернӗ тӑрӑх, ҫумӑр ҫума чарӑнса ҫуллахи шӑрӑх хуҫаланма тытӑнӗ. Канмалли кунсенче уҫӑрах ҫанталӑк пулӗ. Ҫил те вӑйлӑ вӗрӗ. Каҫсерен 10-15 градус кӑна ӑшӑ пулӗ. Шӑматкун кӑнтӑрла 20-25 градус ӑшӑ пулӗ. Вырсарникун пӗлӗтленӗ. Тунтикунран вара термометр 22-27 градус кӑтартма тытӑнӗ. Эрне варринче вара 30 градус шӑрӑх пулӗ. Малтанлӑха пӗлтернӗ тӑрӑх, ҫурла уйӑхӗн шӑрӑх ҫанталӑкран пуҫланӗ. Ҫумӑр ҫурлан 6-мӗшӗччен ҫумӗ. Хыпар ҫӑлкуҫӗ:
|
|
Хулара
 «Лиза Алерт» шыравпа ҫӑлав отрячӗн сӑнӳкерчӗкӗ Ҫӗнӗ Шупашкарта 53 ҫулти арҫын ҫухалнӑ. Ӑна «Лиза Алерт» шыравпа ҫӑлав отрячӗн хастарӗсем шыраҫҫӗ. Арҫын ӑҫтине 10 кун ӗнтӗ пӗлмеҫҫӗ. Виктор Самаркин — Ҫӗнӗ Шупашкарта пурӑннӑ. Вӑл ута уйӑхӗн 15-мӗшӗнче ҫухалнӑ. Арҫын 162 сантиметр ҫӳллӗш, ватам- пӳ-силлӗ, хура ҫӳҫӗ кӑштах кӑвакарма пуҫланӑ, куҫе хӑмӑр. Вӑл ҫутӑ кӑвак футболкӑпа, хура шӑлаварпа, хура тапочкипе пулнӑ. Хыпар ҫӑлкуҫӗ:
|
|
Культура
 chuvbook.ru сӑнӳкерчӗкӗ Чӑваш кӗнеке издательствинче Раиса Воробьеван «Ҫутӑ ӗмӗтсем» кӗнеки пичетленсе тухнӑ. Кун пирки издательство редакторӗ Ольга Иванова пӗлтернӗ. Кӗнекене шкул ҫулне ҫитмен тата кӗҫӗн классенче вӗренекен ачасем валли ҫырнӑ сӑвӑсем кӗнӗ. Автор сӑввисене вырӑсла Светлана Гордеева куҫарнӑ. Редакторӗ – Ольга Иванова, ӳнерҫи – Наталия Андреева. Тиражӗ – 1000 экземпляр. Хыпар ҫӑлкуҫӗ:
|
|
Вӗренӳ
 cap.ru сӑнӳкерчӗкӗ Чӑваш Енри учительсем премие тивӗҫнӗ. Телейлисен йышне 11 ҫын кӗнӗ. Республика Пуҫлӑхӗн хушӑвӗпе килӗшӳллӗн Куславккари 3-мӗш шкулта ӗҫлекен Алевтина Алексеева 150 пин тенке тивӗҫнӗ. Вӑл кӑҫал «Чӑваш Енри ҫулталӑкри учитель» конкурсра ҫӗнтернӗ. Шупашкарти 3-мӗш садикре вӑй хуракан Дарья Жгарь – «Чӑваш Енри ҫулталӑкри воспитатель». Вӑл 100 пин тенке тивӗҫнӗ. Ыттисене 50 пин тенкӗ парӗҫ. Вӗсем – Юлия Дельян (Ҫӗнӗ Шупашкарти 13-мӗш шкул), Яна Молодцова (Шупашкарти 55-мӗш шкул), Татьяна Анилина (Куславкка округӗнчи Тӗрлемесри шкул), Ксения Коллэ (Шупашкарти 1-мӗш гимнази), Ирина Петрова (Йӗпреҫри интернат шкул), Наталья Прагуськина (Шупашкарти хавшак ачасен 2-мӗш шкулӗ), Игорь Ятмаскин (Шупашкарти 62-мӗш шкул), Татьяна Гаранина (Ҫӗнӗ Шупашкарти 44-мӗш ача сачӗ), Ираида Матьянова (Шупашкарти хавшак ачасен 2-мӗш шкулӗ). Хыпар ҫӑлкуҫӗ:
|
|
Пӑтӑрмахсем
 Прокуратура архивӗнчи сӑн Паян Канашра Йӗпреҫ ҫулӗ ҫинче вырнаҫнӗ гаражра икӗ арҫын виллине тупнӑ. Кун пирки хыпар экстреннӑй службӑсене 11 сехетре ҫитнӗ. Малтанлӑха палӑртнӑ тӑрӑх, 1962 ҫулта ҫуралнӑскерсем сӗрӗмлӗ газпа наркӑмӑшланса вилнӗ. Вӗсем гаражри нӳхрепрен бензин насосӗпе шыв кӑларнӑ. Халӗ следстви умӗнхи тӗрӗслев пырать. Канашри районсен хушшинчи прокурорӗ Сергей Алексеев вырӑна ҫитнӗ. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкарта килсӗр-ҫуртсӑр арҫынна паспорт туса панӑ. Документа туса пама хулари халӑхӑн социаллӑ ыйтӑвӗсене тивӗҫтерекен комплекслӑ центр ӗҫченӗсем нумай тӑрӑшнӑ. «Паспорт туса пама пӗртте ҫӑмӑл мар, анчах йывӑрлӑхри ҫынна пулӑшмаллах», - тет центрти социаллӑ консультаци пайӗн заведующийӗ Зинаида Николаева. Арҫынна пулӑшу кирлине вӑл Хулари 1-мӗш клиника больницине лексен пӗлнӗ. Патшалӑх пошлинине тӳлеме социаллӑ центр чиркӳрен пулӑшу ыйтнӑ. Документпа ҫыхӑннӑ ӗҫе тума полицин 2-мӗш пайӗн миграци пайӗн специалисчӗсем пулӑшнӑ. Халӗ арҫын паспортлӑ пулса тӑнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Куславкка округӗнчи Аслӑ Куснар ялӗнче 70 ҫулти арҫын пушарта вилнӗ. Ӗнер, утӑ уйӑхӗн 23-мӗшӗнче, кӑнтӑрла Ҫамрӑксен урамӗнчи ҫурт ҫунма тытӑннӑ. Шел те, кил хуҫи урама тухса ӗлкӗреймен, пушара сӳнтерсен унӑн виллине тупнӑ. Малтанлӑха палӑртнӑ тӑрӑх, пушар пирус асӑрханмасӑр туртнӑран тухнӑ. Сӑмах май, ҫулталӑк пуҫланнӑранпа республикӑра пирус асӑрханмасӑр туртнӑран 110 пушар тухнӑ, вӗсенче 13 ҫын вилнӗ. Хыпар ҫӑлкуҫӗ:
|
+4.3 °C