|
Вӗренӳ
 cap.ru сӑнӳкерчӗкӗ Чӑваш Енри учительсем премие тивӗҫнӗ. Телейлисен йышне 11 ҫын кӗнӗ. Республика Пуҫлӑхӗн хушӑвӗпе килӗшӳллӗн Куславккари 3-мӗш шкулта ӗҫлекен Алевтина Алексеева 150 пин тенке тивӗҫнӗ. Вӑл кӑҫал «Чӑваш Енри ҫулталӑкри учитель» конкурсра ҫӗнтернӗ. Шупашкарти 3-мӗш садикре вӑй хуракан Дарья Жгарь – «Чӑваш Енри ҫулталӑкри воспитатель». Вӑл 100 пин тенке тивӗҫнӗ. Ыттисене 50 пин тенкӗ парӗҫ. Вӗсем – Юлия Дельян (Ҫӗнӗ Шупашкарти 13-мӗш шкул), Яна Молодцова (Шупашкарти 55-мӗш шкул), Татьяна Анилина (Куславкка округӗнчи Тӗрлемесри шкул), Ксения Коллэ (Шупашкарти 1-мӗш гимнази), Ирина Петрова (Йӗпреҫри интернат шкул), Наталья Прагуськина (Шупашкарти хавшак ачасен 2-мӗш шкулӗ), Игорь Ятмаскин (Шупашкарти 62-мӗш шкул), Татьяна Гаранина (Ҫӗнӗ Шупашкарти 44-мӗш ача сачӗ), Ираида Матьянова (Шупашкарти хавшак ачасен 2-мӗш шкулӗ). Хыпар ҫӑлкуҫӗ:
|
|
Пӑтӑрмахсем
 Прокуратура архивӗнчи сӑн Паян Канашра Йӗпреҫ ҫулӗ ҫинче вырнаҫнӗ гаражра икӗ арҫын виллине тупнӑ. Кун пирки хыпар экстреннӑй службӑсене 11 сехетре ҫитнӗ. Малтанлӑха палӑртнӑ тӑрӑх, 1962 ҫулта ҫуралнӑскерсем сӗрӗмлӗ газпа наркӑмӑшланса вилнӗ. Вӗсем гаражри нӳхрепрен бензин насосӗпе шыв кӑларнӑ. Халӗ следстви умӗнхи тӗрӗслев пырать. Канашри районсен хушшинчи прокурорӗ Сергей Алексеев вырӑна ҫитнӗ. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкарта килсӗр-ҫуртсӑр арҫынна паспорт туса панӑ. Документа туса пама хулари халӑхӑн социаллӑ ыйтӑвӗсене тивӗҫтерекен комплекслӑ центр ӗҫченӗсем нумай тӑрӑшнӑ. «Паспорт туса пама пӗртте ҫӑмӑл мар, анчах йывӑрлӑхри ҫынна пулӑшмаллах», - тет центрти социаллӑ консультаци пайӗн заведующийӗ Зинаида Николаева. Арҫынна пулӑшу кирлине вӑл Хулари 1-мӗш клиника больницине лексен пӗлнӗ. Патшалӑх пошлинине тӳлеме социаллӑ центр чиркӳрен пулӑшу ыйтнӑ. Документпа ҫыхӑннӑ ӗҫе тума полицин 2-мӗш пайӗн миграци пайӗн специалисчӗсем пулӑшнӑ. Халӗ арҫын паспортлӑ пулса тӑнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Куславкка округӗнчи Аслӑ Куснар ялӗнче 70 ҫулти арҫын пушарта вилнӗ. Ӗнер, утӑ уйӑхӗн 23-мӗшӗнче, кӑнтӑрла Ҫамрӑксен урамӗнчи ҫурт ҫунма тытӑннӑ. Шел те, кил хуҫи урама тухса ӗлкӗреймен, пушара сӳнтерсен унӑн виллине тупнӑ. Малтанлӑха палӑртнӑ тӑрӑх, пушар пирус асӑрханмасӑр туртнӑран тухнӑ. Сӑмах май, ҫулталӑк пуҫланнӑранпа республикӑра пирус асӑрханмасӑр туртнӑран 110 пушар тухнӑ, вӗсенче 13 ҫын вилнӗ. Хыпар ҫӑлкуҫӗ:
|
|
Кӳршӗре
 Кӗркунне Шупашкара Третьяков галерейинчи картинӑсене илсе килӗҫ. Чӑваш Енре пурӑнакансем Сергей Ивановӑн «Приезд иностранцев» тата «Девушка в красной шубке», Константин Коровинӑн «У открытого окна. Портрет дочерей Ф.И.Шаляпина» ӗҫсемпе паллашма пултарӗҫ. Курав Шупашкарта, Ӳнер музейӗнче, авӑн-раштав уйӑхӗсенче ӗҫлӗ. Хыпар ҫӑлкуҫӗ:
|
|
Экономика
 minec.cap.ru сӑнӳкерчӗкӗ Чӑваш Енри патшалӑхӑн мӗнпур пурлӑхне приватизацилесшӗн, тепӗр майлӑ каласан, сутса ярасшӑн. Республикӑн Экономика аталанӑвӗн тата пурлӑх хутшӑнӑвӗсен министерствинче пӗлтернӗ тӑрӑх, 2026-2028 ҫулсенчи приватизаци планӗн проектне хатӗрленӗ. Патшалӑх пурлӑхне пуянсене сутса ярса 2026 ҫулта 23,5 миллионран кая мар тенкӗ тупӑш курасшӑн, 2027 ҫулта — 23 миллион тенкӗ ытла, 2028 ҫулта — 21,3 миллион тенкӗ. Паянхи куна Чӑваш Енӗн харпӑрлӑхӗнче 5 унитарлӑ предприяти, 19 акционер обществин акцийӗсем, тулли мар яваплӑ 3 обществӑри тӳпе, 2 акционер обществи шутланать-мӗн. Хыпар ҫӑлкуҫӗ:
|
|
Экономика
 minec.cap.ru сӑнӳкерчӗкӗ Чӑваш Енри EMRA бренда Раҫҫейри «Знай наших» (чӑв. Пирӗннисене пӗл) бренд йышне лекнӗ. «Потребитель таварӗсем» пӗтӗм ҫӗршыври конкурсра бренд иккӗмӗш вырӑн йышӑннӑ. Компани шӑл тасатмалли паста, ҫӑвара чӳхемелли, шӑл тасатмалли щеткап туса кӑларать. «Эмра» таварне тӗрлӗ маркетплейсра, Wildberriesран пуҫласа «Золотое яблоко» (чӑв. Симӗс панулми) таранах тупса илме пулать. «Предприятие эпир 2020 ҫулта уҫрӑмӑр. Унччен эпир ике тӗрле продукци кӑларна пулсан паян 45 тӗрлӗ. Эпир чи лайӑх технологисене пурнӑҫа кӗртетпӗр тата чи лайӑх стоматологсемпе ӗҫлетпӗр», - тенӗ компанире. Хыпар ҫӑлкуҫӗ:
|
|
Экономика
 minec.cap.ru сӑнӳкерчӗкӗ Паян, ута уйӑхӗн 24-мӗшӗнче, 14 сехетре Шупашкарти «Манӑн бизнес» центрӑн конференц-залӗнче усламҫӑсем Татьяна Федирко усламҫӑпа тӗл пулӗҫ. Мероприятие йӗркелекенни —Чӑваш Енри экспорт пулӑшӑвӗн центрӗ. Маларах асӑннӑ хӗрарӑм хӑйӗн сайтра тӗл пулакан ҫипуҫне Сауд Аравийӗнчи VIP-клиентсене сутать иккен тата Катар хулинче тӗрлӗ вӗренӳ йӗркелет. «Кун пек усламҫӑсемпе тӗлпулусем тӗнчери рынока тухакан предпринимательсене питех те кирлӗ. Татьяна Федирко опычӗ тӗрлӗ йӑнӑшран асӑрханма пулӑшать», — тенӗ Чӑваш Енри экспорт пулӑшӑвӗн центрӗн ертӳҫи Артем Захаров. Тӗлпулура усламҫӑсем араб ҫӗршывӗсемпе епле ҫыхӑну тытмалли пирки ыйтса пӗлейӗҫ. Хыпар ҫӑлкуҫӗ:
|
|
Хулара
 «Чеб.ру» сайтри сӑн Шупашкарпа Ҫӗнӗ Шупашкара ҫыхӑнтаракан тепӗр троллейбус маршрутне уҫма тӳре-шара унчченех шантарнӑччӗ. Ку хӑҫан пуласси паллӑ: 60-мӗш маршрутпа ҫӳрекен троллейбуса ҫурлан 1-мӗшӗнче ҫула кӑларӗҫ. Троллейбус Шупашкарти «Университет» микрорайона ҫурҫӗр-хӗвеланӑҫ районӗпе кайса Ҫӗнӗ Шупашкарти Химтехникумпа ҫыхӑнтарӗ. Маршрут ҫине 20 транспорт кӑларӗҫ. Аса илтерер: хальхи вӑхӑтра Шупашкарпа Ҫӗнӗ Шупашкар хушшинче 61-мӗш тата 62-мӗш трроллейбуссем ҫӳреҫҫӗ. Хыпар ҫӑлкуҫӗ:
|
|
Республикӑра
 «Лиза Алерт» шыравпа ҫӑлав отрячӗн архивӗнчи сӑн Элӗк округӗнче 76 ҫулти хӗрарӑм ҫухалнӑ. Ӑна «Лиза Алерт» шыравпа ҫӑлав отрячӗн хастарӗсем шыраҫҫӗ. Димитриева (Дмитриева) Маргарита Петровна Шуркасси ялӗнче пурӑнать. Утӑ уйӑхӗн 21-мӗшӗнче вӑл килтен кайнӑ та таврӑнман. Тӑванӗсем вӑл ӑҫталла ҫул тытнине пӗлмеҫҫӗ. Вӑл ӑс-тӑн арпашӑннипе аптӑрама пултарать. Ӑна куракансене ҫак номерсемпе шӑнкӑравлама ыйтаҫҫӗ: 8 800 700-54-52 (Раҫҫейре тӳлевсӗр) е 89876687081 (шырав инфоргӗ Виктория (Искрич). Хыпар ҫӑлкуҫӗ:
|
+25.3 °C