|
Ҫутҫанталӑк
 Вера Иванова сӑнӳкерчӗкӗ Паян, ҫӗртме уйӑхӗн 1-мӗшӗнче, Шупашкар районӗнче пӑр ҫунӑ. Ҫак йӗркесен авторӗ ҫак самантра пӗлнӗ тӑрӑх, пӑр Шупашкар районӗнчи Пранькка, Аначкасси, Мӑн Мамӑш ялӗсенче ҫунӑ. Пӑр ҫур сехете яхӑн ҫуса тӑнӑ, пӑр унта халӗ те ирӗлсе пӗтмен. Ҫав тӑрӑхра пурӑнакансем пӗлтернӗ тӑрӑх, уҫӑ вырӑнти мӗнпур пахчаҫимӗҫ ӳксе пӗтнӗ. |
|
Культура
 culture.cap.ruсӑнӳкерчӗкӗ Шупашкарта Республика кунне уявланӑ май ача-пӑчан илемле пултарулӑхӗн «Черчен чечексем» республикӑри VII фестиваль-конкурсе иртӗ. Унӑн гала-концерчӗ14 сехетре пуҫланӗ. Унта республикӑри ача-пӑчапа ҫамрӑксен чи лайӑх коллективӗсем тата солисчӗсем сцена ҫине тухӗҫ. Хыпар ҫӑлкуҫӗ:
|
|
Республикӑра
 "Контактри" сӑн Йӗпреҫ округӗнчи Хурамал ялӗнче пурӑнакан Николайпа Раиса Кузюковсем пӗрлешнӗрӗнпе 67 ҫул ҫитнӗ. Вӗсем иккӗшӗ те – «вӑрҫӑ ачи». Мӑшӑр 1955 ҫулта паллашнӑ. Ун чухне Николай Никифорович Хусанти ветеринари институтӗнче вӗреннӗ. Сӗнтӗрвӑрри районӗнчи Хуракасси хӗрӗ Раиса Петровна вара диплом илнӗ хыҫҫӑн направленипе Хурамала вырӑс чӗлхипе литературине вӗрентме килнӗ. Вӗсем 1958 ҫулта ҫемье ҫавӑрнӑ, 4 ывӑл ӳстернӗ. Тӑваттӑшӗ те ашшӗн ҫулӗпе кайнӑ. Хыпар ҫӑлкуҫӗ:
|
|
Ял хуҫалӑхӗ
 cap.ru сӑнӳкерчӗкӗ Паян Тӑвай округӗнче «Ялта чи лайӑххисем» агрослет иртнӗ. Кӑҫал унта пӗрремӗш хут федерацин Атӑлҫи округӗнчи мӗнпур регион хутшӑннӑ. Слета 1,6 пин ытла ҫын ҫитнӗ. Кӑҫал йӑлана кӗнӗ мероприятие Аслӑ Ҫӗнтерӳ пулнӑранпа 80 ҫул ҫитнине халалланӑ, вӑл «Ҫӗнтерӗве пӗрле кӗтсе илер» лозунгпа иртнӗ. Ӗҫлӗ программӑра 4 тема пулнӑ: «Ку пирӗн ҫемьен», «2025 – муниципалитет депутачӗн ҫулталӑкӗ», «Ҫӗнтерӗве пӗрле кӗтсе илетпӗр», «Агропродакшн: ялти паллӑ блогер мӗнле пулмалла». Хыпар ҫӑлкуҫӗ:
|
|
Пӑтӑрмахсем
 56.mchs.gov.ru сайтри сӑн Ӗнер каҫхине Канаш округӗнчи Сухайкасси ялӗ ҫывӑхӗнчи пӗвере 17 ҫулти каччӑ путса вилнӗ. Унӑн виллине водолазсем шыраса тупса ҫыран хӗррине илсе тухнӑ. Аса илтерер: нумаях пулмасть Атӑлта ГЭС ҫывӑхӗнче 49 ҫулти арҫын путса вилнӗ. Вӑл Ҫӗнӗ Шупашкартан пулнӑ. Хыпар ҫӑлкуҫӗ:
|
|
Культура
 udoba.org сайтри сӑн Ҫӗртмен 20-21-мӗшӗсенче К.В. Иванов ячӗллӗ Чӑваш патшалӑх академи драма театрӗнче мордва писателӗн пьеси тӑрӑх лартнӑ спектакле, «Куйкарӑш» ятлӑскере, кӑтартӗҫ. Режиссерӗ – Раҫҫей, Азербайджан, Калмӑк тата Тыва республикисен искусствӑсен тава тивӗҫлӗ деятелӗ Борис Манджиев. Пьеса авторӗ - Мордва Республикин тава тивӗҫлӗ писателӗ Валентина Мишанина. Сюжет кӑсӑклӑ: Петӗркке ятлӑ старик кӗтмен ҫӗртен Куйкӑрӑш хуҫи пулса тӑрать. Ырлӑх курас вырӑнне унӑн пурнӑҫӗ тӗпрен улшӑнать - ӑна мистикӑллӑ тата тӗлӗнтермӗш пулӑмсем кӗтеҫҫӗ. «Куйкӑрӑш» камит чӑваш фольклорӗпе, мистикӑпа тата халӑх кӗввисемпӗ пуян. Хыпар ҫӑлкуҫӗ:
|
|
Пӑтӑрмахсем
 Елчӗк районӗнчи Чӑваш Тӑрӑмӗнче пурӑнакан 39 ҫулти арҫыннӑн ҫул ҫитмен хӗрне алимент тӳлес килмен. Унӑн парӑмӗ 1,2 миллион тенкӗрен каҫса кайнӑ. Вырӑнти район сучӗ ӑна РФ Пуҫиле кодексӗн 157-мӗш статйин 1-мӗш пайӗпе явап тыттарма йышӑннӑ. Унччен ӑна административлӑ майпа явап тыттарнӑ. Халӗ арҫыннӑн 5 уйах ӗҫлесе юсанма тивӗ, унӑн тупӑшӗн 5 процентне патшалӑх тытса юлса пырӗ. Хыпар ҫӑлкуҫӗ:
|
|
Персона
 Академи драма театрӗн сӑнӳкерчӗкӗ Чӑваш Ен Пуҫлӑхӗн Олег Николаевӑн Указӗпе килӗшӳллӗн наукӑра, литературӑра тата ӳнер ӗҫӗнче тарӑн тӗпчевсем тата пысӑк пахалӑхлӑ произведенисем хайланӑ ҫынсем патшалӑх стипендине илсе тӑрӗҫ. Кун пирки Чӑваш патшалӑх академи драма театрӗ халӑх тетелӗнчи хӑйӗн страницинче хыпарланӑ. Пултаруллӑ ҫынсен йышӗнче Чӑваш академи драма театрӗн артисчӗсем те пур-мӗн: Алексей Герасимов тата Светлана Лукиянова Хыпар ҫӑлкуҫӗ:
|
|
Хулара
 «Контактри» сӑн Шупашкарти «Суту-илӳ ҫурчӗ» чарӑнура ҫӗнӗ йышши павильон кӗҫех ӗҫлеме тытӑнӗ. Вал хулари ытти павильонран уйрӑлса тӑрать. Мӗнпе? Панорамлӑ кантӑк ҫинче хула сӑнӗсене курма пулать. Тӑррине ҫирӗп тонировка кантӑкӗнчен тунӑ. Кунсӑр пуҫне телефона заряд тумалли USB-разъём пур. Транспорт хӑҫан килнине кӑтартакан табло та вырнаҫтарнӑ. Хӑрушсӑрлӑх пирки те манман: видеосӑнав пур. Ку павильона хулана Шупашкарти электроаппарат завочӗ парнеленӗ. Хыпар ҫӑлкуҫӗ:
|
|
Хулара
 Вера Иванова сӑнӳкерчӗкӗ Паян Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрта ачасен сывлӑхне ҫирӗплетмелли кӑнтӑрлахи уйлӑх уҫӑлнӑ. Лагерь ытти ҫулти пекех 4 сменӑпа ӗҫлӗ. Кашни смени 21 кунтан тӑрӗ. Ачасене каникул ҫитнӗ тата лагерьти смегна пуҫланнӑ ятпа центрӑн директорӗн ҫуме Альбина Данилова ВННИРан гендиректорӗ Сергей Антонов саламланӑ. Асӑннӑ организаципе тата «АБС Электро» ыркӑмӑллӑх фончӗпе социаллӑ учреждени тахҫантанпах туслӑ. Хальхинче те хӑнасем пушӑ алӑпа килмен, кашни ача валли парне хатӗрленӗ. Унсӑр пуҫне вӗсем аниматорсене те илсе килнӗ. Хавасла ертӳҫӗсем ачасене юрлаттарса ташлаттарнӑ, чунтан савӑнтарттарнӑ. Супӑнь кӑпӑкӗнчен йӗркеленӗ шоу тата еплерех хавас иртнӗ! Хыпар ҫӑлкуҫӗ:
|
+19.3 °C