chrio.rchuv.ru сайтри сӑн

«Чӗрене ачасене паратӑп» сумлӑ конкурсӑн куҫӑн мар майпа иртнӗ федераци тапхӑрне пӗтӗмлетнӗ. Чӑваш Енри ӑста педагог Ирина Диарова суйлав витӗр тухса иккӗмӗш тура тухнӑ. Ӑна «Регионти этнокультура еткерлӗхне упраса хӑвармалли программӑсене пурнӑҫлакан хушма пӗлӳ педагогӗ» номинацире палӑртнӑ.

Экспертсем Ирина Алексеевнӑн Чӑваш Енри йӑла-йӗркене тата культура еткерлӗхне халалланӑ программине пысӑк хак панӑ. Иккӗмӗш тур утӑ уйӑхӗн 17-мӗшӗнчен пуҫласа ҫурлан 10-мӗшӗччен иртӗ. Финал авӑнӑн 23-26-мӗшӗсенче Новосибирск хулинче пулӗ. Ирина Алексеевнӑна ӑнӑҫу сунатпӑр! Иккӗмӗш тура тухни те – пысӑк ҫитӗнӳ.

Палӑртса хӑварар: конкурса РФ Ҫутӗҫ министрстви тата Халӑх вӗрентӗвӗпе ӑслӑлӑхӗн ӗҫченӗсен профсоюзӗ йӗркелет.

ЧР ҫутҫанталӑк министрӗн тӑваттӑмӗш ҫум пулӗ. Ку пукана Татьяна Лукина йышӑннӑ.

Ҫӗнӗ ҫум ведомствӑн экономика тата финанс ӗҫӗсене тӗрӗслесе тӑрӗ. Татьяна Лукина унччен ҫак министерствӑрах патшалӑх учрежденийӗсемпе ӗҫлекен пая ертсе пынӑ.

Хальхи вӑхӑтра Эмир Бедертдиновӑн 4 ҫум: Елена Хомченко (пӗрремӗш ҫум), Елена Дымза, Николай Охотин и Татьяна Лукина.

Улатӑр районӗнче пурӑнакансене шывпа тивӗҫтерме Чӑваш Ен хыснинчен 3,2 миллион тенке укҫа уйӑрса панӑ. Кӗмӗле резерв фондӗнчен уйӑрма йышӑннӑ.

Укҫана уйӑрса парасси ҫинчен калакан документа республикӑн Министрсен Кабинечӗн ертӳҫи Сергей Артамонов алӑ пуснӑ.

Стемас яле патӗнче Сӑр юханшывӗнче шыв шайӗ чакнине пула инкеклӗ лару-тӑру сиксе тухма пултарнӑ. Резерв фондӗнчен уйӑрнӑ уксана шыва уҫласа илме икӗ насус туянма, хӑйӑр насуссне экскаватор-амфибипе тасатма усӑ курӗс. Унсӑр пуҫне укҫа ятарлӑ техникӑна арендӑна илсе вырӑна илсе ҫитернишӗн тӳлеме кайӗ.

Чӑваш Енри патшалӑхӑн ҫул-йӗр хӑрушсарлӑхӗн инспекторӗсем пӗр кунта ҫеҫ мар, икӗ сехетре икӗ хутчен пӗр ҫынна ӳсӗрле руль умӗнче тытса чарнӑ.

Ҫул-йӗр патрулӗн службин ятарлӑ батальонӗ пӗр каҫхине Палтай ялӗнче шурӑ тӗслӗ Hyundai Solaris машинӑна чарма тӑнӑ. Анчах 63 ҫулти чарӑнма тӑман, вырӑнтан тапса сикнӗ. Анчах нумай каяйман, машинӑна чарнӑ. Водитель суран тарма та хӑтланнӑ, анчах май килмен. Алкотестерпа тӗрӗсленӗ те вӑл ӳсӗрри палӑрнӑ.

Автомобиле штрафстоянкӑна ӑсатнӑ, хӑйӗн тӗлӗшпе протокол ҫырнӑ.

Тепӗр икӗ сехетрен ҫав арҫынна хӗрлӗ тӗсле Renault машина рулӗ умӗнче тытса чарнӑ. Иккӗмӗш машинӑна та штрафстоянкӑна ӑсатнӑ.

Утӑ уйӑхӗн 15-мӗшӗнче Чулхула облаҫӗнчи Вортынец районӗнче Чӑваш Ен Енри тӳре-шара ҫул ҫинчи инкеке лекни пирки Чӑваш халӑх сайчӗ пӗлтернӗччӗ-ха.

Аса илтерер: Шупашкар округӗн администрацийӗн машини, А173АА номерлӗ Geely Atlas Pro, хирӗҫ ҫул ҫине тухса кайса Audi Q3 машинӑпа ҫапӑннӑччӗ. Аварире водитель тата Шупашкар округӗн администрацийӗн юрисчӗ вырӑнтах вилнӗ. «Аудин» 31-ри водительне, унӑн 7-ри ывӑлне тата 55-ри хӗрарӑм-пассажира больницӑна илсе кайнӑ.

нкек хыҫҫӑн пульницӑна лекнӗ Шупашкар районӗн пуҫлӑхӗн ҫумӗ — йӗркелӳпе тӗрӗслев, право тата кадр пайӗн пуҫлӑхӗ Галина Николаева паян куҫне ӗмӗрлӗхе хупнӑ.

Ҫапла вара ҫул синчи инкеке пула администрацире ӗҫленӗ виҫӗ ҫын пурнӑҫӗ татӑлнӑ. Маларах юридици пайӗн пуҫлӑхӗ Елена Денисова тата Алексей Артемьев водитель вилнӗ.

wallpapers.com сайтри сӑн

Синоптиксем пӗлтернӗ тӑрӑх, канмалли кунсенче уяр ҫанталӑк тӑрӗ те ҫумӑр ҫума пуҫлӗ.

Кӗҫӗр 9-14 градус кӑна ӑшӑ пулӗ. Вырсарникун вара 23-28 градус таран ӑшӑтӗ, ҫил кӑнтӑртан вӗрӗ. Кӑнтӑрла хыҫҫӑн республикӑн кӑнтӑр-анӑҫ енчи округсенче ҫумӑр ҫума пултарать.

Тунтикун ҫумӑр ҫӑвӗ. Ытларикун шӑрӑхланӗ, анчах каҫ енне каллех уҫӑлтарӗ. Ытти кун 22-27 градус ӑшӑ пулӗ, каҫсерен – 15-17. Эрнекунччен кашни кун тенӗ пек аслатиллӗ ҫумӑр ҫума пултарать.

Малтанлӑха пӗлтернӗ тӑрӑх, ҫитес эрне вӗҫӗнче ҫумӑр ҫума чарӑнӗ, шӑрӑх та кӑштах чакӗ.

cap.ru сӑнӳкерчӗкӗ

Лайӑх хыпар: Чӑваш Енри 7 тухтӑр Раҫҫей шайӗнчи конкурсра палӑрнӑ

Пӗрремӗш вырӑна «Чи лайӑх терапевт» номинацире — ЧР сывлӑх сыхлавӗн ҫӗнӗ министрӗ Лариса Тарасова, «Чи лайӑх хирург» номинацире Валентин Ворончихин мала тухнӑ.

Иккӗмӗш вырӑна анестезиолог-реаниматологсенчен — Дмитрий Лукоянов, стоматологсенчен — Любовь Гаврилова, виҫҫӗмӗш вырӑна травматолог-ортопедсенчен Юрий Лемаев йышӑннӑ.

Республикӑри онкодиспансерӑн тӗп тухтӑрӗпе Светлана Орловӑпа унӑн ҫумӗ Сергей Алексеев вара ятарлӑ премие тивӗҫ пулнӑ

«За рулем» порталти сӑн

Атӑлта ҫӑлавҫӑсем путакан 27 ҫулти арҫынна ҫӑлнӑ.

Утӑн 15-мӗшӗнче 18:10 сехетре ҫӑлавҫӑсем Даниил Бильтяев тата Никита Козлов катерпа Атӑлта рейд ирттернӗ, шыва кӗме юраман вырӑнсене тӗрӗсленӗ.

Тӗп пляжран 200 метр аяккарах вӗсем путакан ҫынна асӑрханӑ. Малтан ӑна ҫӑлав ҫаврашки парса пулӑшма хӑтланнӑ. Анчах арҫын шыв айне кайнӑ. Бильтяев шыва чӑмса арҫынна тупнӑ, Козловпа иккӗшӗ ӑна ҫыран хӗррине илсе тухнӑ та тухтӑрсен аллине панӑ.

t.me/nikamran каналтан илнӗ сӑнӳкерчӗк

Чӑваш Енре чи маттур такисита палӑртнӑ. Ку ята Григорий Никоноров тивӗҫнӗ.

Такисистсен ӑмӑртӑвне 16 водитель хутшӑннӑ. Тӗрлӗ ӗҫе пурнӑҫласа чи нумай балл пухаканни Григорий Никоноров пулнӑ.

ҫӗнтерӳшӗн ӑна 15 пин тенке парса хавхалантарнӑ.

Килес ҫул вӑл Чӑваш Ен чысне Раҫҫей шайӗнче хӳтӗлӗ.

Етӗрнере пурӑнакан пер хӗрарӑм налук тӳлемен. Ӑна вырӑнти прокуратура РФ Пуҫиле кодексӗн 198-мӗш статйин 1-мӗш пайӗпе явап тыттарма ыйтса суда тавӑҫпа тухнӑ.

Хӗрарӑм 2022 ҫулшӑн налук тӳлемеллине пӗлнӗ пулин те тӳлеме васкаман. Унран та ытларах — пурлӑха сутса тунӑ тупӑша пӗчӗклетсе кӑтартнӑ. Ҫапла вара вӑл 3,5 миллион ытларах тенкӗ налук тӳлемен.

Суд ӑна 100 пин тенке штраф хурса панӑ. Налука вара тӳлемех тивӗ.