Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрти ҫамрӑк специалистсем Ӗҫлекен ҫамрӑксен канашӗсен республикӑри туризм слётне хутшӑннӑ. Мероприяти Красноармейски тӑрӑхӗнчи «Хӑна ҫурчӗ» кану базин территорийӗнче иртнӗ. Слёта хутшӑнакансем палаткӑсенче пурӑннӑ.
«Пире ун пек пурӑнма килӗшрӗ. Ҫанталӑк сивӗрех пулни те хӑратмарӗ», - каласа кӑтартнӑ социаллӑ центрта секретарь пулса ӗҫлекен, маларах асӑннӑ слёта хутшӑннӑ Ксения Николаева. Слёт икӗ кун пынӑ. Вӑл ҫӗртме уйӑхӗн 20-21-мӗшӗсенче иртнӗ.
Слёта Ксения Николаева, Ольга Паневина, Милена Туровец, Анжелика Сигаева специалистсем тата Сония Дунаева юрисконсульт хушӑннӑ.
Спортсменсем Атӑл урлӑ ишсе каҫнине курас килет-и?
Шупашкарта «CHEBSWIM-2025» ӑмӑрту ҫӗртме уйӑхӗн 28-мӗшӗнче иртӗ. Унта профессионал спортсменсем тата ишме кӑмӑллакансем хутшӑнӗҫ. Вӗсем 2200 метр парӑнтарӗҫ.
Палӑртса хӑварар: хальччен Артур Димитриевӑн рекордне ҫӗнетекен пулман. Вӑл – тӗнче класлӑ спорт мастерӗ. Артур Атӑл урлӑ 29 минут та 52 ҫеккунтра ишсе каҫнӑ.
Вӑрнар районӗнчи Ярмушка ялӗнче пурӑнакан 61 ҫулти Надежда Лаврентьева тӗнче чемпионки пулса тӑнӑ.
Китайри Тайбэй хулинче ҫу уйӑхӗн 17-30-мӗшӗсенче Ветерансен пӗтӗм тӗнчери вӑййи иртнӗ. Унта 107 ҫӗршыври 25 пин ветеран хутшӑннӑ.
Пирӗн ентешӗмӗр унта икӗ ылтӑн медаль ҫӗнсе илнӗ. Надежда Лаврентьева 5 тата 10 километра утассипе мала тухнӑ. Ӑна 30 градус шӑрӑх та хӑратман.
Патӑрьел районӗнчи Шӑнкӑртам ялӗнче физкультурӑпа сывлӑх комплексӗ ҫӗклеҫҫӗ. Вырӑнти администрацире пӗлтернӗ тӑрӑх, строительство графикпа килӗшӳллӗн пулса пырать. Ӗҫе пурнӑҫлаканни «Строитель ПЛЮС» организаци. Халӗ унта никӗс яма тытӑнасшӑн.
Физкультурӑпа сывлӑх комплексӗ 2987 тӑваткал метр лаптӑкӗш пулӗ. Проектпа пӑхса хӑварнӑ тӑрӑх, унта тренажер, фитнес, аэробика залӗсем, универсаллӑ вӑйӑ залӗ тата ытти пулӗ.
ФОКа 2026 ҫулхи чӳк уйӑхӗнче туса пӗтермелле.
Тӗнче класлӑ спорт мастерӗн Мальвина Петрова тин кӑна Хусанти марафонра ҫӗнтерни пирки пӗлтернӗччӗ. Спортсменка ав тепӗр ылтӑн медаль те ҫӗнсе илме ӗлкӗрнӗ!
Вӑл Чулхулара иртнӗ «Чуп, паттӑр» ыр кӑмӑллӑх ҫурма марафонӗнче финиша чи пӗрремӗш ҫитнӗ. Мальвина дистанцие 1 сехет те 27 минут та 17 ҫеккунтра чупса тухнӑ.
Палӑртса хӑварар: Мальвина – 3 ача амӑшӗ, вӗсене чӑн чӑвашла ят панӑ: Пинерпи, Асамат тата Савир.
Шупашкарта пурӑнакан 13 ҫулти Кирилл Александров ҫак кунсенче Раҫҫей чемпионатӗнче палӑрнӑ. Вӑл Калуга хулинче иртнӗ ӑмӑртура 100 метр дистанцие ишсе кӗмӗл медаль ҫӗнсе илнӗ.
Палӑртмалла: Кирилл – спорт мастерӗн кандидачӗ, Раҫҫейӗн юниорсен пӗрлештернӗ командин резервӗн пайташӗ. Вӑл Мускавра Сергей Жилкин тренер патӗнче ӑсталӑхне туптать. Халӗ Кирилл 2028 ҫулта иртекен Паралим вӑййисене хатӗрленет.
Тухӑҫ ҫар ҫапӑҫӑвӗ енӗпе Раҫҫей спорт мастерӗ Александр Максимов спорт историне кӗрсе юлӗ. Вӑл Эноэда Кубокне ҫӗнсе илнӗ. Ӑна «ката» тата «кумитэ» дисциплинӑсенче пысӑк кӑтартусемпе палӑрнӑ спортсменсем тивӗҫеҫҫӗ. Арҫынсен хушшинче ӑна 2002 ҫултанпа илекен пулман.
Трофея Мускав облаҫӗнчи Видное хулинче панӑ. Унта Раҫҫей чемпионачӗ иртнӗ, 36 регионти 800 яхӑн спортсмен вӑй виҫнӗ. Пирӗн ентеш «кумитэ» дисциплинӑра – ылтӑн медаль, «ката» дисциплинӑра пӑхӑр медаль ҫӗнсе илнӗ. Халӗ вӑл 2026 ҫулта Маврикий утрав ҫинче иртекен тӗнче чемионатне хатӗрленет.
Вӑрнар округӗнчи Ярмушка ялӗнче пурӑнакан спортсменка Надежда Лаврентьева Китайри Тайбэ хулинче спорт ветеранӗсен хушшинче иртнӗ пӗтӗм тӗнчери ҫуллахи вӑйӑсенче ылтӑн медаль ҫӗнсе илнӗ. Вӑл 5 ҫухрӑм дистанцие пӗрремӗш парӑнтарнӑ. Халӗ Надежда ҫӗнӗ ӑмӑртӑва хатӗрленет. Хальхинче унӑн 10 пин ҫухрӑма парӑнтарма тивӗ.
Палӑртса хӑварар: Китайри ӑмӑртӑва 107 ҫӗршыври 30 ҫултан аслӑрах 25 пин ытла спортсмен пухӑннӑ. 65 ҫултан аслӑраххисем 2 пин ытла спортсен пулнӑ.
Чӑваш Ен тата Мускав ҫывӑхӗн чысне хӳтӗлекен Денис Гаврилов Колумбири Калире иртнӗ ҫӑмӑл атлетика ӑмӑртӑвӗнче ылтӑн медаль ҫӗнсе илнӗ.
Пирӗн ентеш куҫ япӑх куракан спортсменсен йышӗнче 5 пин ҫухрӑма чупса финиша пӗрремӗш ҫитнӗ.
Сӑмах май, 2024 ҫулта Денис Гаврилов Чӑваш Енрен Парижри Паралимп вӑййисене хутшӑннӑ пӗртен-пӗр спортсмен пулнӑ. Медаль ҫӗнсе илме ӑна ун чухне 7 ҫеккунт ҫеҫ ҫитмен. Вӑл 2021 ҫулта Токиора иртнӗ Паралимп вӑййисене те хутшӑннӑ.
Чӑваш Енри спорт гимнастки Елена Герасимова студентсен хушшинче иртнӗ Пӗтӗм Раҫҫейри ӑмӑртура виҫӗ медаль ҫӗнсе илнӗ.
Пирӗн ентеш Краснодар крайӗнче иртнӗ турнирта чи вӑйлисен хушшинче палӑрнӑ. Ӑмӑртӑва Раҫҫейри 15 аслӑ шкулти 100 яхӑн спортсмен хутшӑннӑ.
Елена тӗрлӗ ҫӳллӗшри бруссем ҫинче чи лайӑх кӑтартупа палӑрса ылтӑн медале тивӗҫнӗ. Ҫавӑн пекех пӗрене ҫинче хӑнӑхтарусем туса тата командӑпа тупӑшса кӗмӗл медальсем ҫӗнсе илнӗ.
+5.3 °C