|
Чӑвашлӑх
 «Контактри» сӑн Наталия-Салампи Михайлова алӑ ӗҫӗпе аппаланма юратать. Вӑл Питӗрте пурӑнать. Унӑн ӗҫӗсенче наци колоричӗ яр уҫҫӑнах курӑнать. Наталия Шупашкарти ӳнер училищинчен вӗренсе тухнӑ. Унтан Питӗрти халӑх ӳнер аслӑ шкулӗнче ӑс пухнӑ. Наталия тӗрлӗ пукане ӑсталать. Вӑл яланах ҫӗннине шырать: иконописьрен пуҫласа аэрографи таран. Ӑстаҫӑ тӗрлӗ конкурса хутшӑнать. 2022 ҫулта вӑл ӑсталанӑ «Нарспи тата Сетнер» пукане Надежда Бабкинӑн аллине лекнӗ. Хыпар ҫӑлкуҫӗ:
|
|
Политика
 pgn21.ru сӑнӳкерчӗкӗ Ҫӗнӗ Шупашкар хулин пуҫлӑхӗ Максим Семёнов хӑйне отставкӑна янипе килӗшесшӗн мар. Вӑл вырӑнти Депутатсен пухӑвӗн йышӑнӑвне хирӗҫлесе суда тавӑҫпа тухнӑ. «Правда ПФО» тӗнче тетелӗнчи хаҫат хыпарланӑ тӑрӑх, суд ун пек ӗҫсене хӑвӑрт, заявлени пырса ҫитнӗ хыҫҫӑн 10 кунта, пӑхса тухать. Юристсем шухӑшланӑ тӑрӑх, ответчика хӳтӗленме ҫӑмӑл пулас ҫук, мӗншӗн тесен муниципалитет органӗ ун пек йышӑнӑва хӑйӗн полномочийӗпе килӗшӳллӗн туман имӗш. Хыпар ҫӑлкуҫӗ:
|
|
Ҫул-йӗр
 pravdapfo.ru сӑнӳкерчӗкӗ Шупашкар хулинче Гагарин кӗперӗн ҫуррине юсаса пӗтернӗ. Паян ҫавна уҫнӑ. Халӗ юсав ӗҫӗ кӗперӗн тепӗр ҫурринче пуҫланнӑ. «Ӗҫе епле пурнӑҫланине хам тӗрӗслерӗм – подрядчик лайӑх тимленӗ», – пӗтӗмлетнӗ Шупашкар пуҫлӑхӗ Владимир Доброхотов хӑйӗн Telegram-каналӗнче. Объектра Чӗмпӗрти «Универсал» тулли мар яваплӑ общество ӗҫлет. Компани кӗперӗн пӗр пайне кӑҫалхи юпа уйӑхӗн 1-мӗшӗччен юсаса пӗтерме шантарнӑ, иккӗмӗш тапхӑрне – 2026 ҫулхи юпа уйӑхӗн 30-мӗшӗччен. Пӗрремӗш тапхӑра вал маларах та вӗҫленӗ. Гагрин кӗперне 1974 ҫулта тунӑ. Ӑна тӗплӗн юсама 801,1 миллион тенкӗ уйарнӑ. Хыпар ҫӑлкуҫӗ:
|
|
Республикӑра
 pravdapfo.ru сӑнӳкерчӗкӗ Сӗнтӗрвӑррипе Куславкка хулисенче причал тӑвакана кӑҫалхи кӑрлач уйӑхӗнчех палӑртнӑ. Шупашкарти «СтройКрафт» комапнипе Республикӑн пӗрлехи заказчик служби контракта шӑпах ҫавӑн чухне алӑ пуснӑ. Халӗ вара подрядчик контракта пӑрахӑҫланӑ. Вӑл ӑнлантарнӑ тӑрӑх, заказчик хӑйӗн ҫине илнӗ яваплӑха пурнӑҫламан. Сӗнтӗрвӑрринчи причала тума 378,7 млн тенкӗ кирлӗ, ӗҫе 2026 ҫулхи авӑн уйӑхӗн вӗҫӗччен туса пӗтермелле. Куславккарин хакӗ – 420 млн тенкӗ, ӑна 2026 ҫулхи ҫӗртме уйӑхӗн 1-мӗшӗччен туса пӗтермелле. Хыпар ҫӑлкуҫӗ:
|
|
Ял хуҫалӑхӗ
 agro.cap.ru сӑнӳкерчӗкӗ Чӑваш Енре каллех чи лайӑх механизаторсене палӑртӗҫ. Ун пекрех конкурса кӑҫалхи нарӑс уйӑхӗнче ирттерни пирки Чӑваш халах сайчӗ пӗлтернӗччӗ-ха. Аса илтерер: ун чухне арҫынсен хушшинче Вадим Головин (Елчӗк округӗ), Борис Головин (Елчӗк округӗ), Евгений Петров (Вӑрмар округӗ) мала тухнӑччӗ. Хӗрарӑмсен хушшинче Эльвира Чугунова (Вӑрнар округӗ), Надежда Концова (Ҫӗмӗрле округ), Алена Ефимова (Шупашкар округӗ) малти вырӑнсене йышӑннӑччӗ. Хальхи конкурса хутшӑнма заявкӑсене ута уйӑхӗн12-мӗшӗччен йышӑнӗҫ. Унта механизаторта виҫӗ ҫултан кая мар ӗҫлекенсем хутшӑнайӗҫ. Конкурс утӑ уйӑхӗн 17-мӗшӗнче Ҫӗрпури аграрипе промышленность коллеждӗнче иртӗ. Ҫӗнтерӳҫӗ республика чысне Тамбовра авӑн уйӑхӗн 18-мӗшӗнче иртекен ҫӗршыв шайӗнчи конкурсра хӳтӗлӗ. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Шупашкар хулинче кӗнеке йышӑнакан контейнерсем вырнаҫтарса тухнине эсир те, тен, асӑрханах пулӗ. Ҫак йӗркесен авторӗ вӗсене икӗ ҫӗрте курма ӗлкӗрчӗ. Республикӑн Культура министерстви пӗлтернӗ тӑрӑх, ялти вулавӑшсене пулӑшас тӗллӗвӗллӗ акци ҫӗртме уйӑхӗн 16-мӗшӗнче пуҫланнӑ. Пирӗнтен кашнин килӗнчех унччен вуласа тухнӑ кӗнекесем ҫӳлӗк ҫинче тусанланса выртни вӑрттӑнлӑх мар. Кӗнекене е журнала тухса пеме шел, анчах кама памаллине пӗлместӗн. Ун пек чухне ӑна ятарлӑ контейнера кайса ямалла. Кӗнекене пӗр-пӗр ялти вулавӑша илсе кайӗҫ. Кӗнеке боксӗсем Иван Франко урамӗнчи 10-мӗш тата 20-мӗш, П. Лумумба урамӗнчи 6-мӗш, Октябре 50 ҫул урамри 16-мӗш¸ Николаев космонавт урамӗнчи 46-мӗш, Гагарин урамӗнчи 26 тата 19-мӗш, Чапаев урамӗнчи 8 корпусри 2-мӗш, Энгельс урамӗнчи 3/1-мӗш, Н. Смирнов урамӗнчи, 7-мӗш, Кадыков урамӗнчи 28 тата 34-мӗш, Гастелло урамӗнчи 3 А, Пролетарски урамри 21 тата 22-мӗш , 9-мӗш Пилӗкҫуллӑх урамӗнчи 4В тата 32А, Хусанкай урамӗнчи 6, 23А, 32-мӗш, Шумилов урамӗнчи 11А ҫуртсен умӗнче пур. Хыпар ҫӑлкуҫӗ:
|
|
Персона
 «Контактри» сӑн Канаш округӗнчи Ҫӗнӗ Мамире пурӑнакан Лидия Николаева 100 ҫулхи юбилейне паллӑ тунӑ. Лидия Ефимовна – Тӑван ҫӗршывӑн Аслӑ вӑрҫин ветеранӗн тӑлӑх арӑмӗ тата ӗҫ ветеранӗ. Вӑл «Цивиль» колхозра ӗҫлесе тава тивӗҫлӗ колхозница ятне тивӗҫнӗ. Вӗсем мӑшӑрӗпе Алексей Николаевичпа 6 ача ҫуратса ӳстернӗ. Юбиляра саламлама «Улах» ансамбль килнӗ. Хыпар ҫӑлкуҫӗ:
|
|
Политика
 Николай Федоров сенатор Чӑваш Ен прокурорне Эдуард Гиматова тӗрӗслев ирттерме ыйтнӑ: хӑш-пӗр муниципалитетри депутатсене Элтепер суйлавӗн кандидатне Олег Николаева пулӑшу парас тесе ирӗксӗрлесе, хӑратса алӑ пустараҫҫӗ имӗш. Сенатор пӗлтернӗ тӑрӑх, унран хӑш-пӗр муниципалитетри депутатсем пулӑшу ыйтнӑ. «Депутатсене хупӑ канашлусене чӗнсе илсе кандидатшӑн, республикӑн хальхи Элтеперӗшӗн О.А. Николаевшӑн, алӑ пусмасан ӗҫрен кӑларассипе е ытти япӑх пулӑмсемпе хӑратаҫҫӗ», - ҫапла ҫырса кӑтартнӑ «Правда ПФО» интернет-хаҫат. Интернет-хаҫат пӗлтернӗ тӑрӑх, Красноармейски, Куславкка, Сӗнтӗрвӑрри, Ҫӗрпӳ округӗсенчи депутатсене хӗсӗрленӗ. Вӗсене паспортпа пӗрле алӑ пусма чӗнсе илнӗ имӗш. Хыпар ҫӑлкуҫӗ:
|
|
Хулара
 vitvesti.by сайтри сӑн Шупашкарта тивӗҫлӗ канури ҫынсем ирхи 3-ре ФСБ пулнӑ ҫурт патне ҫитсе тӑрсан тин ултавҫӑсен аллине лекнине ӑнланнӑ. Ҫак кунсенче 73 ҫулти хӗрарӑм патне хӑйӗнпе «ФСБ ӗҫченӗ» тесе паллаштарнӑ ҫын шӑнкӑравланӑ. Вӑл анлӑ сарӑлнӑ схемӑпа усӑ курса унӑн укҫине вӑрлама тӑнӑ. Хӗрарӑм ӑна ӗненсе счечӗ ҫинчен 3 млн ытла тенкине илнӗ, укҫана ҫав ҫынна пама хатӗрленнӗ. Анчах чӑтайман, лешсем никама та калама юрамасть тесен те кун пирки упӑшкине каласа кӑтартнӑ. Кун хыҫҫӑн вӗсем иккӗшӗ ирхи 3-ре ФСБ пулнӑ ҫурт патне кайнӑ, анчах вӑл хупӑ пулнӑ. Ҫавӑн чухне тин упӑшки ултавҫӑсен серепине лекнине ӑнланнӑ. Хыпар ҫӑлкуҫӗ:
|
|
Чӑваш чӗлхи
 Чӑвашла вӗренес килет-и? Чӑваш чӗлхи вӗренмелли сарӑм хута янӑ. Ӑна телефон ҫине уҫласа илме пулать. Сарӑма Павел Шкаликов программист шухӑшласа кӑларнӑ. Унта лексикӑпа грамматикӑна вӗренме, вӑл е ку сӑмаха тӗрӗс мӗнле каламаллине пӗлме, тӗрлӗ хӑнӑхтару пурнӑҫлама пулать. Сарӑмра онлайн-словарь те пур. Ӑна программист, Чӑваш халӑх сайчӗн редакторӗ Николай Плотников хута янӑ. Хыпар ҫӑлкуҫӗ:
|
+29.3 °C