|
Ял хуҫалӑхӗ
 Чӑваш Енӗн Ял хуҫалӑх министерствин сӑнӳкерчӗкӗ Чӑваш Енри виҫӗ аграри предприятине студентсене вӗрентнӗшӗн укҫа тӳлӗҫ. Вӗсем «АПКри кадрсем» наци проектне лекнӗ. Проект ял хуҫалӑхне ҫамрӑк специалистсемпе тивӗҫтерес тӗллевӗллӗ. Конкурсра «Мега ЮРМА» общество, «Коминтерн» кооператив тата «Ленинская искра» колхоз ҫӗнтернӗ. Вӗсене студентсене ял хуҫалӑхне илӗртме (практика тухма тата ӗҫе вырнаҫтарма) 894 миллион тенкӗ субсиди парӗҫ. Пӗлтӗр ҫак проекта «Мега ЮРМА» предприяти лекнӗ, ӑна ун чухне 675 пин тенкӗ панӑ. Хыпар ҫӑлкуҫӗ:
|
|
Персона
 Людмила Семенова-Ульянова страниц ен илнӗ сӑнӳкерчӗк Ҫу уйӑхӗн 19-мӗшӗнче Шӑмӑршӑ шкулӗнче чӑваш халӑх писателӗ Илпек Микулайӗ ҫуралнӑранпа 110 ҫул ҫитнине халалласа асӑну урокӗсем ирттернӗ. Ку хыпара вырӑнти шкултан Людмила Семёнова-Ульянова пӗлтерет. Ҫав кунах шкул ачисемпе вӗрентекенсем тата Шӑмӑршӑри таврапӗлӳҫӗсем паллӑ ҫыравҫӑн шкул картишӗнче вырнаҫнӑ бюсчӗ умне чечек ҫыххисем хунӑ. Илпек Микулайӗ ҫинчен тӗплӗнрех Рувикин чӑваш уйрӑмӗнсе вуласа пӗлме пулать. Хыпар ҫӑлкуҫӗ:
|
|
Культура
 Олег Прокопьевӑн кӗнеки кун ҫути курнӑ. Кун пирки «Пуринчен малтан» телеграм-канал пӗлтерет. Кӗнеке «Чӑвашӑм, пурӑн!» ятлӑ, унта сӑвӑсем кӗнӗ. Вӑл тин кӑна, ҫак кунсенче, Чӑваш кӗнеке издательствинче пичетленсе тухнӑ. Автор сӑвӑсене сакӑр ушкӑна пайласа вырнаҫтарнӑ: «Ялти тӗрленчӗксем», «Юрату тата ырату», «Тӗрӗслӗх шыравӗ», «Тивӗҫ», «Юратупа эс килтӗн тӗнчене», «Тухату», «Витӗркуру – асӑрхаттару». Палӑртмалла: ку – Олег Прокопьевӑн иккӗмӗш кӗнеки. Пӗрремӗшӗ «Шыв ҫинчи сар хӗвел ҫулӗпе» ятлӑ, вӑл 2008 ҫулта пичетленсе тухнӑ. Хыпар ҫӑлкуҫӗ:
|
|
Спорт
 "Контактри" сӑн Вӑрнар округӗнчи Ярмушка ялӗнче пурӑнакан спортсменка Надежда Лаврентьева Китайри Тайбэ хулинче спорт ветеранӗсен хушшинче иртнӗ пӗтӗм тӗнчери ҫуллахи вӑйӑсенче ылтӑн медаль ҫӗнсе илнӗ. Вӑл 5 ҫухрӑм дистанцие пӗрремӗш парӑнтарнӑ. Халӗ Надежда ҫӗнӗ ӑмӑртӑва хатӗрленет. Хальхинче унӑн 10 пин ҫухрӑма парӑнтарма тивӗ. Палӑртса хӑварар: Китайри ӑмӑртӑва 107 ҫӗршыври 30 ҫултан аслӑрах 25 пин ытла спортсмен пухӑннӑ. 65 ҫултан аслӑраххисем 2 пин ытла спортсен пулнӑ. Хыпар ҫӑлкуҫӗ:
|
|
Политика
 «Правда ПФО» архивӗнчи сӑн «Пенсионерсен социаллӑ тӗрӗслӗхшӗн Раҫҫей партийӗн» регионти уйрӑмӗн ертӳҫи Николай Степанов ку дожноҫрен хӑйӗн ирӗкӗпе каясси пирки заявлени ҫырнӑ. «Правда ПФО» интернет-хаҫата пӗлтернӗ тӑрӑх, вӑл парти председателӗн тивӗҫӗсене пурнӑҫлакан Владимир Ворожцов ӗҫӗсемпе килӗшменнипе каять. Сӑмах май, нумаях пулмасть Игорь Молякова тата Владислав Солдатова «Тӗрӗслӗшӗн Раҫҫейрен» партие дискредитациленӗшӗн кӑларнӑ. Хыпар ҫӑлкуҫӗ:
|
|
Хулара
 "На связи" форумри сӑн Шупашкарти Ленин проспектӗнчи 21-мӗш ҫуртра 1967-2002 ҫулсенче общество деятелӗ, финанс министрӗ пулнӑ Аркадий Гладков пурӑннӑ. Ҫак, кунсенче унта астӑвӑм хӑмине ҫакнӑ. Хӑмана уҫнӑ ҫӗре унӑн тӑванӗсем, ҫывӑх ҫыннисем килнӗ. Хӑйӗн аслӑ ӗҫтешне хисеп тума пӗрремӗ вице-министр – финанс министрӗ Михаил Ноздряков та ҫитнӗ. Аркадий Михайлович Канаш районӗнчи Пикших ялӗнче ҫуралнӑ. Чӑваш Ен министерствинче ахаль ревизортан министра ҫитнӗ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Муркаш районӗнчи Уйкас Хачӑк ялӗнче пӗрисен гаражӗнчи мотоцикл ҫухална. Кун пирки кил хуҫи хӗрарӑме йӗрке хуралҫисене пӗлтернӗ. Икӗ урапаллӑ транспорт хуҫи хӗрарӑмӑн ывӑлӗ пулнӑ. 200 пин тенкӗ тӑракан мотоцикла пакунлисем уйра тупнӑ. Йӗрке хуралҫисен овчарки вара Алексей Васильев кинолога тата тӗпчевпе оперативлӑ служба ӗҫченӗсене ялти пӗр арҫын килне ертсе кайнӑ. Судпа унччен айӑпланнӑ 30 ҫулти арҫын гаража ҫивиттинчен аннӑ иккен. Мотоциклта бензин пӗтиччен ярӑнса ҫӳренӗ те кайран транспорта хирте пӑрахса хӑварнӑ. Арҫын тӗлӗшпе халӗ РФ Пуҫиле кодексӗн 166-мӗш стайин 1-мӗш пайӗпе пуҫиле ӗҫ пуҫарнӑ. Хыпар ҫӑлкуҫӗ:
|
|
Пӑтӑрмахсем
 https://21.мвд.рф сӑнӳкерчӗкӗ Чӑваш Енри хӗрарӑм-усламҫӑ ҫынсене шӑнман пӑрпа лартса янӑ. Пӑтӑрмах пирки иртнӗ ҫулхи раштав уйӑхӗнче Шупашкарта пурӑнакан 46 ҫулти хӗрарӑм пӗлтернӗ. Пӳрт тӑвас ӗмӗтпе ҫунатланнӑ хӗрарӑм ипотека илнӗ. 2023 ҫулхи авӑн уйӑхӗнче вӑл строительство организацийӗсенчен пӗринпе килӗшӳ тунӑ. 41 ҫулти хӗрарӑм-усламҫӑ ертсе пыракан фирма ӗҫе пӗлтӗрхи ҫу уйӑхӗ валли вӗҫлеме шантарнӑ. Саккасҫи укҫана пӗтӗмпех, 5 миллион тенкӗ ытла, тӳлесе хунӑ пулин те туса пӗтермен. Кӑҫалхи кӑрлач йӑхӗнчен пуҫласа ҫу уйӑхӗччен усламҫӑ тӗлӗшпе тата тепӗр ултӑ ҫын пакунлисенчен пулӑшу ыйтнӑ. Вӗсем те унпа пӳрт тума килӗшӳ тунӑ та шантарнине кӗтсе илеймен. Хӗрарӑм ҫынсене пурӗ 35 миллиона яхӑн тенкӗлӗх улталанӑ. Хыпар ҫӑлкуҫӗ:
|
|
Культура
 Чӑваш патшалах оперӑпа балет театрӗнче ӗҫлекен икӗ артиста «Чӑваш Республикин халӑх артисчӗ» ят панӑ. Ят-сума тивӗҫнисем — Татьяна Бахтина вокалист (солист) тата Татьяна Прытченкова вокалист (солист). Хисеплӗ ят парасси ҫинчен калакан 73-мӗш номерлӗ Хушӑва республика Элтеперӗ Олег Николаев ӗнер, ҫу уйӑхӗн 20-мӗшӗнче, алӑ пуснӑ. Документа республикӑн влаҫ органӗсен официаллӑ порталӗнче вырнаҫтарнӑ. Хыпар ҫӑлкуҫӗ:
|
|
Культура
 t.me/VolgaOperaBallet сӑнӳкерчӗкӗ Ҫу уйӑхӗн 21-мӗшӗнчен пуҫласа ҫӗртме уйӑхӗн 1-мӗшӗччен Шупашкарти «Атӑл Опера» театрта Пӗтӗм тӗнчери VI оперетта фестивалӗ иртӗ. Фестиваль А. Петровӑн «Мы хотим танцевать» музыкӑлла камичӗпе уҫӑлӗ. Иваново хулинчи музыка театрӗ Шупашкара «Бесприданница», «Алые паруса», «Три мушкетера» мюзиклсемпе, «Любовь и голуби» музыкӑлла камитпе тата «Принцесса на горошине» музыкӑлла юмахпа килӗ. Фестиваль гала-концертпа хупӑнӗ. Хыпар ҫӑлкуҫӗ:
|
+15.3 °C