Паян ЯР Элтеперӗ Олег Николаев Павел Данилова ЧР Министрсен Кабинечӗн председателӗн ҫумӗ пулма ҫирӗплетнӗ. Тӗрӗссипе, вӑл унччен те ку должноҫре пулнӑ. Кунсӑр пуҫне строительство министрӗ пулнӑ. Халӗ вара Павел Данилов вице-премьер должноҫӗнче кӑна юлнӑ.
ЧР Строительство министерствине кам ертсе пырӗ-ха? Ку вырӑна унччен Павел Даниловӑн ҫумӗ пулнӑ Михаил Коледа йышӑннӑ.
Ҫитес вӑхӑтра патшалӑх служащийӗсем валли награда ҫирӗплетӗҫ. Вӑл «Чӑваш Республикинчи патшалӑх граждан службинче лайӑх ӗҫленӗшӗн» уйрӑм паллӑ пулӗ. Хальхи вӑхӑтра Элтеперӗн ҫак хушӑвне сӳтсе яваҫҫӗ, вӑл коррупципе кӗрешекен экспертиза витӗр тухать.
Элтепер администрацийӗ хыпарланӑ тӑрӑх, кунашкал награда 6 регионта пур: Мари Элте, Удмуртире, Мордва Республикинче, Чулхула, Самар тата Пенза облаҫӗсенче.
Палӑртмалла: республикӑра 1,5 пине яхӑн патшалӑх служащийӗ шутланать.
ЧР Патшалӑх Канашӗ федераци саккунне улшӑнусем кӗртме сӗнесшӗн. Ку мотоблок водителӗсене пырса тивет. Чӑваш Ен депутачӗсем вӗсене водительпе танлаштарасшӑн. Ку шухӑша ЧР Элтеперӗ Олег Николаев та ырланӑ.
Хальхи вӑхӑтра мотоблок водителӗсем ҫул ҫинче ҫуран ҫӳрекен ҫынсемпе танлашаҫҫӗ. Ҫавна май ҫул-йӗр правилисене пӑссан вӗсене водитель пек явап тыттарма ҫук.
Палӑртмалла: ҫулталӑк пуҫланнӑранпа республикӑра мотоблокпа ҫыхӑннӑ 5 авари пулнӑ. Вӗсенче 2 ҫын вилнӗ, 6-ӑн аманнӑ.
Авӑн уйӑхӗн 14-мӗшӗнче 12 сехетре ЧР Элтеперӗ Олег Николаев каллех тӳрӗ лини ирттерӗ. Хальхинче вӑл нейросетьсем пулӑшнипе иртӗ. Кунашкал тӳрӗ лини унччен пулман.
Ыйтусене маларах Патшалӑх пулӑшӑвӗсен порталӗнче хӑварма, «Контактра» халӑх тетелӗнчи пост айӗнче ҫырма юрать. Эфир вӑхӑтӗнче колл-центр ӗҫлӗ. Унта ҫак номерпе шӑнкӑравлама пулать: 8 (8352) 565-100.
Тӳрӗ эфира «Контактри» «Чувашская Республика» ушкӑнра, Олег Николаевӑн телеграм-каналӗнче, Наци телекуравӗпе кӑтартӗҫ. Ҫавӑн пекех Нацрадиопа та итлеме май пур.
Нумаях пулмасть Шупашкар хула администрацийӗн вӗренӳ управленийӗн пуҫлӑхӗнче ӗҫленӗ Елена Сахарова ӗҫрен кайни пирки пӗлтернӗччӗ.
Ӑҫта вырнаҫнӑ-ха вӑл? Елена Сахарова Ҫӗмӗрле хулин администрацийӗнче вӑй хума тытӑнӗ. Сайтра унӑн ятне ҫырнӑ. Вӑл - администраци пуҫлӑхӗн ҫумӗ тата вӗренӳпе социаллӑ политика пайӗн пуҫлӑхӗ.
Аса илтерер: вӑл Шупашкар хула администрацийӗн вӗренӳ управленине 2021 ҫулхи раштавӑн 27-мӗшӗнчен ертсе пынӑ. Унччен вара вӑл Ҫӗмӗрлере ҫар комиссарӗн право ӗҫӗ енӗпе те вӑй хунӑ.
Чӑваш Енре пурӑнакансем кӑҫал пуҫласа инҫет ҫыхӑну мелӗпе электрон сасӑлава хутшӑнайӗҫ.
Авӑн уйӑхӗн 8-10-мӗшӗсенче Чӑваш Енри 9 муниципалитет пӗрлешӗвӗнче 15 депутата суйламалла.
Сасӑлава 17,5 пин ытла ҫын хутшӑнӗ.
Электрон мелпе ҫав шутран 2,4 пин ытларах ҫын сасӑлама палӑртса хунӑ. Ку вӑл мӗнпур суйлавҫӑн 13,6 проценчӗ пулать.
Сасӑлав электрон мелпе хутшӑнас текенсен заявленине Патшалӑх пулӑшӑвӗсен порталӗнче авӑн уйӑхӗн 4-мӗшӗнчи 24 сехетчен йышӑнӗҫ.
2024 ҫулта Шупашкарта реформа тӑвӗҫ, унпа килӗшӳллӗн хула тата администраци пуҫлӑхӗсене пӗрлештерӗҫ. Ҫапла пӗр ертӳҫӗ кӑна юлӗ. Ӑна вара конкурспа суйлӗҫ.
Хула администрацийӗн ҫӗнӗ структурипе килӗшӳллӗн, ҫак пуҫлӑх ӑна шанса панӑ территоришӗн яваплӑ пулӗ.
Хальхи мэр депутатсен хула пухӑвӗн председателӗ пулӗ.
Ку статьяна ҫырас шухӑш ӗнер Тимӗр Акташӑн статйине вырнаҫтарнӑ хыҫҫӑн ҫуралчӗ. Леш, хайхи, 32 ҫул каялла пулса иртнӗ ГКЧП пирки хатӗрленӗскере вырнаҫтарнӑ хыҫҫӑн. Кӑсӑклӑ пулса кайрӗ: ҫак кун пирки ҫурлан 19-мӗшӗнче кашни ҫулах вӑл ҫырнӑ-и? Шырарӑм та — 2015 ҫултанпа кашни ҫул тенӗ пекех ҫырать иккен. Ун чухне самай анлӑ статья вӑл хатӗрленӗ пулнӑ. 2016-мӗшӗнче те ҫырнӑ. Вӑл юрӗ-ха — ун чухне 25 ҫулхи юбилейӗ пулнӑ-ҫке. Кайран виҫӗ ҫул ГКЧП пирки сӑмах ҫук. 2020 ҫулта Беларуҫра пӑлхавсем пуҫланнӑччӗ. Вӗсем шӑп та лӑп ҫак вӑхӑта лекнӗччӗ те Тимӗр Акташ белоруссене тӗрев пама статья хатӗрленӗччӗ. Статйинче вара ҫав-ҫавах ГКЧП пирки асӑнса хӑварнӑ. 2021 ҫулта, ГКЧП пулӑмӗ хыҫҫӑн 30 ҫул иртнӗ хыҫҫӑн, паллах, Тимӗр Акташ статья хатӗрлемесӗр пултарайман. Вӑл та пӗчӗкех мар. 2022-мӗш ҫулта та ҫурлан 19-мӗшӗнче Акташӑн статйи пур. Ҫапла май 2017–2019 ҫулсемсӗр пуҫне Акташран кашни ҫул ГКЧП пирки статья кӗтме тиврӗ.
Сӑмахӑм ман, паллах, Тимӗр Акташ кашни ҫул ГКЧП пирки ҫырни ҫинчен мар.
Шупашкар районӗнчи Тутаркасси территори уйрӑмӗн пуҫлӑхне явап тыттарасшӑн. Вӑл служба автомобилӗпе хӑйӗн ӗҫӗсемпе ҫӳренӗ тесе шутлаҫҫӗ.
Ун тӗлӗшпе административлӑ ӗҫ пуҫарнӑ. Куншӑн ӑна 300-500 тенкӗ штраф тӳлеттерме пултараҫҫӗ. Ҫавӑн пекех Шупашкар район администрацийӗн пуҫлӑхӗ тӗлӗшпе представлени ҫырнӑ.
Чӑваш Енри министра орден медалӗпе чыслама йышӑннӑ. Пысӑк шайри хисепе республикӑн физкультура тата спорт министрӗ Василий Петров тивӗҫнӗ.
Василий Владимировича «Чӑвш Республики умӗнчи тава тивӗҫлӗ ӗҫсемшӗн» орден медалӗпе чыслӗҫ.
106-мӗш номерлӗ хушӑва республика Элтеперӗ Олег Николаев ӗнер, ҫурла уйӑхӗн 11-мӗшӗнче, алӑ пуснӑ. Документа республикӑн влаҫ органӗсен официаллӑ порталӗнче паян вырнаҫтарнӑ.
Василий Петров 1963 ҫулхи ҫурла уйӑхӗн 12-мӗшӗнче Новосибирск хулинче ҫуралнӑ. И.Н. Ульянов ячӗллӗ Чӑваш патшалӑх университетӗнче тата Раҫҫейӗн халӑх хуҫалӑхӗн тата патшалӑх службин академийӗнче вӗреннӗ. «Успех» сывлӑх центрӗнче тренер-преподавательте ӗҫленӗ, «Техцентр» организацире директор пулнӑ. 2020 ҫулхи пуш уйӑхӗнче республикӑн Спорт министерствинче ӗҫлеме тытӑннӑ.
+5.3 °C